Newroza warê Mazlûm Dogan: Divê Ocalan azad bibe 

2025-03-14 12:44:56


	XARPÊT – Siyasetmedar Gultan Kişanak li bajarê Mazlûm Dogan di pîrozbahiya Newrozê de axivî û bersiv da gotina Erdogan a ‘bendeke krîtîk hatiye derbaskirin’ û got, "Benda krîtîk ew e ku ji bo birêz Ocalan di nava şert û mercên azad de tevlî vê pêvajoyê bibe divê derfet bên afirandin."

	 

	Yek jî jê avakerê PKK’ê Mazlûm Dogan li Girtîgeha Amedê ya Hejmar 5 di 21’ê Adara 1982’an de bedena xwe da ber agir. Li warê Mazlûm Dogan ango li Depê bi coş Newroz hat pîrozkirin. Siyasetmedar Gultan Kişanak, parlamenterên Partiya Wekhevî û Demokrasiyê ya Gelan (DEM Partî) û hevşaredar jî tevlî pîrozbahiyê bûn. Gelek kes bi cil û bergên herêmî tevlî pîrozbahiyê bûn. Demek dirêj ji qadê sloganên "Bijî Serok Apo" û "Bijî Berxwedana Berxwedana Gel" hatin avêtin.

	 

	SAKÎNE ARAT HAT BÎRANÎN

	 

	Di pîrozbahiyê de ji bo kesên di têkoşîna demokrasî û azadiyê de jiyana xwe ji dest dane deqeyek rêz hat girtin. Endamên Komîteya Amadekar a Newrozê Newroz li welatiyan pîroz kirin. Hevşaredarên Depê Songul Dûzgûn û Cafer Ogur û Hevserokê DEM Partiyê yê Dep’ê Bekîr Polat jî axaftinên kurt kirin û wiha "Dep di bîra Kurdan de xwedî cihekî girîng e. Bi bindestiya xwe re heye. Ji ber vê yekê Dep ruhê vê têkoşînê ye. Em di pêvajoyeke dîrokî de ne ku me bi ked û têkoşîneke mezin dawî lê aniye. Hêvîdarim ev pêvajo wê ji her kesî re aştî û azadiyê bîne." Polat Dayika Aştiyê Sakîne Arat a ku jiyana xwe ji dest da jî bi bîr anî.

	 

	

	 

	ARÎFE YILDIRIM: BILA TÊKOŞÎNA ME RÊ LI BER AŞTIYÊ VEKE

	 

	Xwişka Mazlûm Dogan Arîfe Yildirim got, "Bila têkoşîna me rê li ber aştiyê veke." Arîfe Yildirim êrîşên li hemberî Elewiyên li Sûriyeyê şermezar kir.

	 

	Piştre Koma Vejîn derketin ser dikê.

	 

	Piştre parlamenterên DEM Partî, siyasetmedara Kurd Gultan Kişanak û nûnerên partiyê agirê Newrozê bi dirûşmên "Bijî Newroz" vêxistin.

	 

	Wekîla DEM Partiyê ya Dêrsîmê Ayten Kordu axaftinek kir û wiha got: ''Bi banga dîrokî ya ku agirê azadî û wekheviyê li her deverê dorpêç dike, li her deverê wê agirê Newrozê geştir bibe. Têkoşîna me ya demokrasiyê dê li her  derê berbelav bibe. Dê ciwan, jin, Kurd û Tirkên xwe re demokrasî, wekhevî û seqetiyê li vî welatî ava bikin. Bila Newroz bibe wesîleya vê demokrasî û jiyaneke adil."

	 

	NEWROZA OCALAN PÎROZ KIRIN

	 

	

	 

	Parlamenterê DEM Partiyê yê Çewlîgê Omer Faruk Hulaku diyar kir ku bi berxwedana gelê Kurd re serdemek nû hatiye derbaskirin û wiha got: "Agirê Newrozê yê ku Mazlûm bi 3 darikên kîbrîtê vêxistin, mezin bû, em hatin van rojan. Ew agir ji bo zîhniyeta ku gelê Kurd tine dihesibîne, ziman, nasname û Newrozê tine dihesibîne bûye dojeh. Di 27 'ê Sibatê de bi banga dîrokî ya Birêz Ocalan re em ê agirê yekem ê demokrasiyê di Newrozê de vêxe Ji bo gelan banga jiyana azad û bi hev re ye. Newroza Birêz Ocalan pîroz dikim."

	 

	Gultan Kişanak jî wiha got: "Em ê serketinên xwe gelek Newrozan pîroz bikin. Ji ber ku Newroz mizgîniya vê dide me. Weke mîrateyeke dîrokî fermanê dide me ku em bi ser bikevin, têbikoşin, bi ser bikevin. Her tişt bi xewnekê dest pê dike. Me pêşerojeke baştir xeyal kir. Me pêşerojek e demokratîktir xeyal dikir. Me bi nasname, çand, dîrok û zimanê xwe jiyana azad xeyal kir. Em gelekî nêzî pêkhatina wê xewnê ne."

	 

	Axaftina Gultan Kişanak bi slogana "Jin, jiyan, azadî" hat qutkirin.

	 

	Kişanak da zanîn ku di demeke dîrokî re derbas dibin dê di demên wiha de bêhtir moral bibin û piştgiriyê bidin hev. Kişanak di axaftina xwe de Sakîne Arat bi bîr anî û bal kişand ser têkoşîna malbatê û dayika aştiyê. 

	 

	ŞERT Û MERCÊN ABDULLAH OCALAN 

	 

	Kişanak bersiv da gotina Serokkomarê Tirk Tayyîp Erdogan a ‘bendeke krîtîk hatiye derbaskirin’ û wiha got: "Benda krîtîk ew e ku ji bo birêz Ocalan di nava şert û mercên azad de tevlî vê pêvajoyê bibe divê derfet bên afirandin. Li pêşiya me gelek bendên krîtîk hene ku divê bi ser bikevin. Birêz Ocalan ev berpirsyarî girt ser milê xwe û ev banga dîrokî kir. Niha deriyê herî girîng ê krîtîk ew e ku ji bo birêz Ocalan di nava şert û mercên azad de tevlî vê pêvajoyê bibe, derfetan biafirîne.” Kişanak got ku ji bo ev benda krîtîk were derbaskirin divê Erdogan berpirsyariyê bigire.

	 

	Pîrozbahiya Newrozê bi stranên hunermend Ciwan Adar ve bi dawî bû.