Gera Trump a Rojhilata Navîn dest pê kir      

2025-05-13 11:34:08


	NAVENDA NÛÇEYAN - Donald Trump, di roja ewil a serdana xwe ya li Rojhilata Navîn de çû Erebistana Siûdî. 

	Serokê Dewletên Yekbûyî yên Amerîkayê (DYA) Donald Trump, di serdema duyemîn a serokatiya xwe de cara ewil e li derveyî welat diçe serdanên fermî. Trump, ji ewil çû serdana Erebistana Siûdî. 

	 

	Trump, dê di navbera 13-16’ê Gulanê de biçe serdana Erebistana Siûdî, Qeter û Mîrtiyên Yekbûyî yên Ereban. Di roja ewil a serdanê de Trump dê li Erebistana Siûdî bi Prensê Velîaht Muhammed Bîn Selman re hevdîtinê bike. 

	 

	Serokên DYA’yê weke kevneşopiyekê ji ewil diçûn serdana Ingilistan, Kanada û Meksîkayê. Lê Trump ev kevneşopiye guherand û di sala 2017’an de jî çûbû serdana Erebistana Siûdî.