ROJEVA 29’Ê HEZÎRANA 2025’AN

2025-06-29 09:00:07


	 

	* Prof. Dr. Sevtap Yokuş diyar kir ku ji bo demokratîkbûna Tirkiyeyê pêvajoyeke girîng e û destnîşan kir ku ji bo serketina pêvajoyê garantiyên qanûnî divê û wiha got: "Zêdebûna hêviyan bi hewldanên me ve girêdayî ye."

	 

	* Nûnerên rêxistinên pîşeyî yên rojnamegeran bertek nîşanî gefa li nûçegihana me Zeynep Durgut hatiye xwarin dan û gotin divê kesên gef xwarin bên darizandin. 

	 

	* Li Herêma Federe ya Kurdistanê û Iraqê dê di 11’ê Mijdarê de hilbijartinên parlamentoyê bên lidarxistin. Akademîsyen Rûbar Mecîd, ji ber ku bi lîsteyeke hevpar nakevin hilbijartinê, bertek nîşanî partiyên Kurd da û got: “Heke em bi lîsteyeke hevpar biketina hilbijartinan, dê di meseleyên li Bexdayê de bihêztir bûna.” 

	 

	* Hamîde Rencus êrişên Îsraîl-Îranê û agirbesta di navbera wan de nirxand û got: “Tenê bi demokratîkbûnê re Rojhilata Navîn dikare bihizûr bibe. Ji bo vê jî divê pêwendiyên rêxistinkirî yên gelan hebin. Aştî û dîzayn, bi gelên Rojhilata Navîn pêkan e.” 

	 

	* Dadgeha Destûra Bingehîn, ji bo serlêdana têkildarî mirina Rozerîn Çukur ku di dema qedexeya derketina kolanan a li Sûrê de hatibû kuştin, biryara “mafê jiyanê nehatiye binpêkirin” da. Parêzer, dê li dijî biryarê serî li DMME’yê bidin. 

	 

	* Welatiyên astengdar têkildarî pêvajoya çareseriya pirsgirêka Kurd axivîn û gotin ku şer hejmara astengdaran zêde dike û banga mezinkirina dengê aştiyê kirin. 

	 

	* “Mihrîcana Jin, Xweza û Çandê” ya li navçeya Gimgimê dê bi meşekê dest pê bike. (10.00) ZINDΠ

	 

	* Komîsyona Zarokan a DEM Partiyê dê li Çand Amedê konferansa “Di pêvajoyên şer û çareseriyê de zarok” li dar bixe. (10.00) 

	 

	* Şaxa MEBYA-DER’ê ya Amedê dê li Eywana Dawetan a Kaplan City’ê bi dirûşma “Aştî û Civaka Demokratîk” 04’emîn Kongreya Asayî li dar bixe. (11.00) ZINDÎ

	 

	* Platforma Parastina Zozanên Hesandin a Pasûrê dê li dijî madenan li Hesandinê daxuyaniyê bide. (13.00)