
Serokkomar biryara tehliyeya girtiyê nexweş Boran da

2025-06-30 09:34:43


	&nbsp;

	ENQERE - Cezayê girtiyê nexweş Kerîm Boran ê 81 salî ku li Girtîgeha Tîpa F a Edîrneyê tê ragirtin, ji aliyê Serokkomarê AKP’î Tayyîp Erdogan ve hate betalkirin.&nbsp;

	&nbsp;

	Li ser daxwaza Wezareta Dadê, cezaya girtiyê nexweş Kerîm Boran ê 81 salî ku li Girtîgeha Tîpa F a Edîrneyê tê ragirtin, bi biryarnameyeke ji aliyê Serokkomarê AKP'î Tayyîp Erdogan ve hatiye weşandin ve hat betalkirin.

	&nbsp;

	Endamê Komîsyona Edaletê ya Rêxistina Partiya Demokratîk a Gelan (HDP) a Bajêrê Îdîrê Kerîm Boran, bi hinceta ku du malbatên di nabera wan de rageşî hebû li hev aniye, tevî 8 kesên temenmezin di sala 2021’an de ceza lê hate birîn. Boran, ji 2021’ê ve girtî ye û nexweşiyên wî yên weke dil, qelewî, KOAH, prostat û parkînsonê hene. &nbsp;ATK’ê, di 2’yê Cotmeha 2023’yan de der barê Boran de rapora “rewşa kalbûnê heye” da. Lêbelê rexmê vê raporê Boran nehatibû tehliyekirin.&nbsp;

	&nbsp;

	Parêzerê Boran, piştî vê biryarê di çarçoveya “Efûya serokkomar” de serî li Wezareta Dadê dabû. Wezaretê, di 18’ê Îlona 2024’an de tevî rapora ATK’ê serlêdan bo Serokkomariyê kir.&nbsp;

	Serokkomar Erdogan der barê Boran de biryarname weşand û cezayê wî betal kir.&nbsp;

	&nbsp;

	Tê payin ku Boran were berdan.&nbsp;