
Qeyûm wesayîta ku hatibû hîbekirin xwest û projeyên şaredariyê betal kir

2025-07-18 11:46:19


	&nbsp;

	WAN – Dema ku Şaredariya Bajarê Mezin a Wanê di destê hevşaredarên DEM Partiyî de bû şaredariyê otobus hîbeyî şaredariya Qelqeliyê kir û hemû projeyên ji bo Qelqeliyê hatibûn plankirin betal kir.

	&nbsp;

	Dema ku di bin rêveberiya Partiya Wekhevî û Demokrasiyê ya Gelan (DEM) de bû, otobusa ku Şaredariya Bajarê Mezin a Wanê ji bo veguhastina rêwiyan a bajarî veqetand, ji aliyê qeyûm ve ji Şaredariya Qelqeliyê dîsa hat wergirtin. Qayûm her wiha protokola têkildarî veqetandina wesayîtan jî bi pêkanîna meclisa ku ji rayedaran pêk tê betal kir.

	&nbsp;

	Qeyûmî îhaleyên rê, av, kanalîzasyon û karên li taxên gundewarî yên di dema DEM Partî de li navçeyê tên plankirin betal kir. Hevşaredarên Qelqeliyê Sakîne Kûtpinar û Ecevît Ceylanci, li ser giliyên ku qeyûm li navçeyê kirine, daxuyanî dan.

	&nbsp;

	ÎHALEYA AVÊ HAT BETALKIRIN

	&nbsp;

	Hevşaredaran diyar kirin ku qeyûmê li Şaredariya Bajarê Mezin hatiye tayînkirin ewilî îhaleya çêkirina rê ya ji bo 6 gundên girêdayî navçeyê betal kiriye û gotin, "Careke din di encama xebatên VASKÎ'yê de îhaleya danîna lûleyeke nû ya 58 kîlometre dirêj ji bo çareseriya mayînde ya pirsgirêka ava vexwarinê ya 50 salan a navenda navçeyê û xeta kanalîzasyonê ya 8 kîlometreyî ji aliyê qeyûm ve hat betalkirin.

	&nbsp;

	MAKÎNEYÊN KAR HATIN WERGIRTIN

	&nbsp;

	Ji bo xizmeta pêwîstiyên çandiniyê yên şêniyên navçeyê ku debara xwe bi xwedîkirina sewalan dikin, tenê kepçeyek ji bo 58 tax û 22 gundan hatiye veqetandin û di vî warî de di nava şêniyên herêmê de rê li ber gazinên girîng vedike. Hema hema hemû makîneyên înşaetê ji şantiyeya rê ji navçeyê vekişiyane û tevî daxwazên me yên devkî û nivîskî jî ti bersiv ji tamîrkirin û xwedîkirina hemû rêyên di bin berpirsyariya şaredariya bajarê mezin de ne hatiye dayîn û di warê veguhastinê de êşên din li şêniyên navçeyê hatine kişandin.”

	&nbsp;

	QEYÛM GEL MEXDÛR DIKE

	&nbsp;

	Hevşaredaran destnîşan kirin ku wesayîta ji bo veguhastina gel a li navenda navçeyê hatiye veqetandin jî hatiye vegerandin û gotin, "Em zext, ambargo û cotstandartiya ji aliyê qeyûm ve hatiye ferzkirin qebûl nakin; em ê pêkanînên neheq ên qeyûm li malan û li her qadên jiyanê ji gelê xwe re vebêjin. Careke din van pêkanînan nîşan da ku armanca qeyûm ne xizmeta ji bo gel e."

	&nbsp;