Brîtanya: Eger Îsraîl agirbestê paşguh bike ew ê dewleta Filistînê nas bikin 

2025-07-29 21:38:44



	NAVENDA NÛÇEYAN - Serokwezîrê Brîtanyayê Keir Starmer ragihand ku gter Îsraîl agirbestê paşguh bike ew ê di meha Îlonê de dewleta Filistînê nas bikin.

	 

	Serokwezîrê Brîtanyayê Keir Starmer ragihand ku eger Îsraîl agirbestê qebûl neke, ew ê di meha Îlonê de dewleta Filistînê nas bikin. Serokwezîr Starmer şertên xwe yên bingehîn wiha rêz kir:

	 

	"*Daxuyaniya pabendbûna bi pêvajoyeke aştiyê ya demdirêj ku dê çareseriyek du dewletan bidest bixe,

	 

	*Ji bo bidawîkirina rewşa tirsnak ya li Xezzeyê divê gavên girîng werin avêtin,

	 

	*Divê bi zelalî bê gotin ku Şerîaya Rojava nayê îlhaqkirin."

	 

	Starmer di daxuyaniya xwe de her wiha xwest ku Hemas hemû rehîneyan serbest berde û agirbestê qebûl bike.

	 

	Serokomarê Fransayê Emmanuel Macron jî hefteya borî ragihandibû ku ew ê di meha Îlonê de Filistînê nas bikin. Hefteya borî, Macron biryara xwe ya naskirina Filistînê li ser navê dewletê ragihandibû.Lêbelê, berevajî Starmer, Macron tu şertek li ser Îsraîlê ferz nekir.