ROJEVA 19’Ê TEBAXA 2025’AN

2025-08-19 09:00:08


	 

	* Alan Yalçin ku ji zarokatiya xwe ve kevneşopiya dengbêjiyê didomîne, ji bo dengbêjî bi sazûman bibe, xwest şaredarî mala dengbêjan veke. 

	 

	* Berdevkê Platforma Alimên Olî ya Îzmîrê Ferzende Denîz got: "Yek ji tiştên bingehîn ji bo dîtina çareseriyek rastîn a pirsgirêka sedsalî ew e ku komîsyon bi birêz Öcalan re hevdîtinê bike."

	 

	* Amadekariyên mitînga "Ne tecrîd dê azadî bi ser bikeve" ku dê li Wanê were lidarxistin berdewam dikin. Parlamentera DEM Partiyê Salîha Aydenîzê diyar kir ku armanca wan civakîkirina pêvajoyê ye û banga beşdarbûna li mitîngê kir.

	 

	* Serokê Baroya Îdirê Ahmet Tutulmaz diyar kir ku komîsyona li meclisê divê nebe "formalîte" û got: "Komîsyon divê raporekê amade bike ku nerînên xwe diyar bike û bigihîne meclisê. Divê sererastkirinên qanûnî rêkûpêk bike û rengekî qanûnî jê re were dayîn."

	 

	* Şaxa ÎHD'ê ya Îzmîrê derbarê mirinên biguman ên li Navendên Dersînorkirinê û kuştina karkerekî penaber de dê li avahiya komeleyê daxuyaniyê bide. (12:00)

	 

	* Rêxistinên rojnamegeran dê li kolana Kibris Şehîtlerî ya Alsancakê li dijî êrîşa li hemberî nûnertiya rojnameya Evrenselê ya Îzmîrê rojnameyan belav bikin. (12:30)

	 

	* Ji bo Metîn Arslan, Nûreddîn Sofî û Bahtiyar Gabar dê li Rêxistina Bajêr ya DEM Partiyê ya Sêrtê bernameya bîranînê bê lidarxistin. (13.00)

	 

	* Komîsyona Yekitiya Neteweyî, Xwîşk-Biratî û Demokrasiyê dê bi malbatên ku zarokên wan di pevçûnan de jiyana xwe ji dest dane û weqfan re hevdîtinê pêk bîne. (14:00)