
Akin Bîrdal: Divê êdî cîbicîkirina ‘mafê hêviyê’ were ragihandin  

2025-10-26 14:58:12


	ÎZMÎR - Serokê Rûmetê yê ÎHD’ê Akin Bîrdal, biryara Tevgera Azadiyê ya Kurd a vekişandina hêzên xwe ji Tirkiyeyê weke gaveke mezin nirxand û got: “Bi geşedanên diqewimin re êdî divê bikaranîna ‘mafê hêviyê’ were ragihandin.”&nbsp;

	&nbsp;

	Rêveberiya Tevgera Azadiyê ya Kurd, têkildarî Pêvajoya Aştî û Civaka Demokratîk de li Qendîlê daxuyaniyeke girîng da. Di daxuyaniyê de hate gotin ku di çarçoveya biryarên Kongreya 12’an a PKK’ê û bi erêkirina Rêberê Gelê Kurd Abdullah Ocalan, gerîlayên Hêzên Parastina Gel (HPG) û Yekîneyên Jinên Azad-Star (YJA-Star) vedikişînin “Herêmên Parastinê yên Medyayê.”

	&nbsp;

	Serokê Rûmetê yê Komeleya Mafên Mirovan (ÎHD) Akin Bîrdal têkildarî biryarê axivî û weke gavek mezin nirxand. Bîrdal, got: “Di daxuyaniyê de mijara balê dikişînin ser ew e ku gavên hiqûqî bêyî bên taloqkirin bên avêtin. Her wiha yasayên entegrasyonê ku di daxuyaniyê de balê dikişînin ser, ji bo hiqûqa veguhêz û tevlibûna siyaseta demokratîk pir girîng in. Nirxandinên Enqereyê erênî ne. Hêvîdarim ku di hevdîtina Şandeya Îmraliyê û Serokkomar de esas were girtin, gavên girîng bên avêtin û Meclisê bêyî bi demê re vehêle yasayên entegrasyonê derxîne. Di Qanûna Înfazê de bêhiqûqtiyek heye û hewceye li ser van qanûnan guhertin bên kilrin. Peyva ‘efûyê’, tê wateya efûkirina sûcekî. Tevgera Azadiyê ya Kurd, têkoşîna wekhevî û têkoşînê ye, ne sûc e. Lewma divê yasayên li gorî vê bên derxistin. Hewceye girtîgeh bê valakirin.”&nbsp;

	&nbsp;

	'MAFÊ HÊVIYÊ’ &nbsp;

	&nbsp;

	Akin bîrdal, destnîşan kir ku bi geşedanan re divê êdî were ragihandin ku “mafê hêviyê” dikare were bikaranîn û axaftina xwe wiha qedand: “Hewceye Rêberê Gelê Kurd Abdullah Ocalan bikare fikrên xwe bi rehetî bibêje. Divê gavek were avêtin ku civak bibêje pêvajo dualî dimeşe. Êdî dora dewletê ye û hewceye ji vir şûnde her kes piştgiriyê bide pêvajoyê.”&nbsp;

	&nbsp;

	MA / Ugurcan Boztaş

	&nbsp;