
Li Stenbolê ji 7 saliyan heta 70 saliyan her kes li şaneşînan Newrozê pîroz kir   

2020-03-20 22:17:31


	&nbsp;

	STENBOL - Li Stenbol, Kocaelî û Tekîrdagê welatî li şaneşîn, pace û li ser baniyên xaniyên xwe bi dirûşmeya "Newroz, aştî, azadî û jiyaneke birûmet" Newroz pîroz kirin.&nbsp;

	&nbsp;

	Îsal ji ber vîrusa coronayê (Covîd-19) pîrozbahiyên Newrozê yên girseyî hatibûn betalkirin. Lê belê li ser bangawaziya HDP'ê îro welatî saet di 20.20'an de li şaneşîn, pace û li ser banên xaniyên xwe bi ronahiya kifrît, meşale û bi fîşekên hewayî Newroz pîroz kirin.&nbsp;

	&nbsp;

	Li Taxa Gulsûyû ya navçeya Maltepe ya Stenbolê welatî bi fîşekên hewayî û meşaleyan Newroz pîroz kirin. Dû re li dor agirê ku vêxistin govend gerandin û agir vêxistin. Welatiyan dirûşmeyên "Bijî Newroz, Bijî Serok Apo" berz kirin.&nbsp;

	&nbsp;

	JI 7 SALIYAN HETA 70 SALIYAN HER KES LI ŞANEŞÎNA NEWROZ PÎROZ KIR&nbsp;

	&nbsp;

	Li Taxa Haciahmet a navçeya Şîşliyê jî Newroz bi coşeke mezin hat pîrozkirin. Welatî li şaneşîn, pace û li ser baniyên xaniyên xwe Newroz pîroz irin. Ji 7 saliyan heta 70 saliyan welatî li şaneşînên xaiyên xwe bi tawe û quşxaneyan deng derxistin. Her wiha welatiyan ronahiyê malên xw evêxistin û tefandin û hinan jê jî bi tilîliyan Newroz pîroz kirin.&nbsp;

	&nbsp;

	Rêxistina Navçeyê ya Sûltangaziyê jî li avahiya xwe ya li Taxa Gaziyêê bi awayekî sembolîk Newroz pîroz kir. Welatiyan di pîrozbahiyê de agir vêxistin û find pêxistin û Newroz pîroz kirin. Di pîrozbahiyê de Hevseroka Navçeyê Zubeyde Înce axivî û got: "Newroz jiyan e. Kawayê Hesinkar 612 sal berê li dijî Dehqaê zalim agirê vêxist. Newroz apêta ku Mazlûm gur kiriye. Newroz, aştî, azadî û jiyaneke birûmet e."&nbsp;

	&nbsp;

	Pîrozbahî bi govendgerandinê û çepikan bi dawî bû.&nbsp;

	&nbsp;

	Li navçeyên din ên Stenbolê û li Kocaelî û Tekîrdagê jî Newroz bi coşeke mezin hat pîrozkirin.&nbsp;