
Li çar hawirdorê Rojavayê Newroz hat pîrozkirin   

2020-03-20 23:08:01


	&nbsp;

	&nbsp;

	NAVENDA NÛÇEYAN -&nbsp;Li çar hawirdorê Rojavayê welatî kom bi kom daketin kuçeyan Newroz pîroz kirin.&nbsp;

	&nbsp;

	Li gelek navendên Bakur û Rojhilatê Sûriyeyê welatiyan ji ber vîrusa coronayê, ne bi awayekî girseyî lê kom bi kom daketin kuçeyan û Newroz pîroz kirin.&nbsp;

	&nbsp;

	KOBANÊ

	&nbsp;

	Li navenda Kobaniyê û li gundên wê gel daket kuçeyan û agir vêxistin. Welatiyan li dor agir govend gerand û Newroz pîroz kir. Her wiha li navenda bajêr bi dehan wesayît geriyan û piştgirî dan Newrozê.&nbsp;

	&nbsp;

	EYN ÎSA

	&nbsp;

	Li Îsaya ku di bin êrîşên rêxistinên cîhadîst ên Tirkiye piştgiriyê dide wan de ye, welatî agirê Newrozê vêxistin. Welatiyên kom bi kom daketin kuçeyan Newroz pîroz kirin û stranên şoreşê gotin.&nbsp;

	&nbsp;

	ŞEHBA

	&nbsp;

	Li Şehbayê jî Efrîniyên bi darê zorê koçber bibûn û şêniyên bajêr agirê Newrozê vêxistin. Li navendê gelek welatiyan bi agir Newroz û Efrîn nivîsandin û govend gerandin.&nbsp;

	&nbsp;

	HESEKÊ

	&nbsp;

	Li çar hawirdorê Hesekê jî welatiyan agirê Newrozê vêxist. Her wiha li nav bajêr bi awayekî konwoyî wesayît geriyan û bi dirşme û stranan Newroz pîroz kirin.&nbsp;

	&nbsp;

	DIRBÊSIYÊ

	&nbsp;

	Li Dirbêsiyê û gundên wê jî welatî li şaneşînên xwe meşale vêxistin û Newroz pîroz kirin.&nbsp;