
Bi ser Îranê re hatina penaberan didome: Divê tevdîrên lezgîn werin girtin

2020-03-23 11:43:01


	&nbsp;

	AGIRÎ – Parlamentera HDP’ê ya Agiriyê Dîlan Dîrayet Taşdemîr diyar kir ku di riyên qaçax de hatina penaberan a di ser Îranê de ber bi Tirkiyê ve didome û divê ev talûke li pêş çava were girtin û tevdîrên lezgîn bê girtin.&nbsp;

	&nbsp;

	Ji ber vîrûsa koronayê (Kovid-19) deriyên di navbera Îran û Tirkiyê de yên li Wan, Agirî û Colemêrgê hatine girtin. Her çiqas derî hatibin girtin jî lê dîsa hatina penaberan di riyên qaçax de didome.&nbsp;

	&nbsp;

	Parlamentera HDP’ê ya Agiriyê Dîlan Dîrayet Taşdemîr têkildarî mijarê ji ajansa me re axivî û diyar kir ku hefteya bihûrî ew li navçeya Bazîdê ya Agiriyê rastî komek penaber hatine û ji ber îqtîdar girîngiyê nade hatina penaberan tenduristiya gel jî dikeve bin metirsiyê.&nbsp;

	&nbsp;

	‘BERPIRSIYARÎ DEWLETÊ YE’&nbsp;

	&nbsp;

	Taşdemîr got rewşa penaberan wîjdanê mirovahiyê diêşîne û got: “Hemû berpirsiyarî ya dewletê ye. Lê mixabin tu berpirsiyariya xwe naynin cih.” Taşdemîr da zanîn ku ji bo penaberan xemsariyek rayedaran heye û got: “Divê penabarên tên Agirî, Wan û Colemêrgê û bajarên din hildin bin karantînayê. Divê talûke li ber çavan were girtin û li dijî vîrûsa koronayê ji bo penaberan tevdîrên lezgîn bên girtin.”&nbsp;

	&nbsp;

	MA / Dîndar Karataş

	&nbsp;