
Li cîhanê hejmara miriyan gihîşt nêzî 15 hezarî û li 5 welatan qedexe hat ragihandin  

2020-03-23 12:59:00


	NAVENDA NÛÇEYAN – Li cîhanê jejmara kesên ji ber vîrûsa koronayê jiyana xwe ji dest dan gihîşt 14 hezar û 704’an û hejmara bûyeran jî derket 339 hezar û 770'an. Lig elek welatan qedexeya derketina derve hatiye ragihandin.&nbsp;

	Li tevahiya cîhanê hejmara kesên ji ber vîrûsa koronayê jiyana xwe ji dest dane gihîşt 14 hezar û 704'an. Ji 23’yê adarê ve hejmara kesên bi vîrûsê ketine jî gihîştiye 339 û hezar 770 kesan.&nbsp;

	&nbsp;

	Li Îtalyayê 5 hezar û 476 kesan jiyana xwe ji dest daye. Di nava 24 saetan de 651 kes jiyana xwe ji dest dan. Heta niha 59 hezar û 138'an jî bi vîrûsê ketine.&nbsp;

	&nbsp;

	TIRKIYE&nbsp;

	&nbsp;

	Li Tirkiyê jî hejmara miriyan gihîşt 30 kesan û hezar û 236 jî bi nexweşînê ketine.&nbsp;

	&nbsp;

	SÛRIYE&nbsp;

	&nbsp;

	Wezîrê Tenduristiyê yê Sûriyê Nîzar Yazici jî ragihand ku yekemin bûyera vîrûsê hatiye tespîtkirin û ev kes jî ji derveyî welat hatiye.&nbsp;

	&nbsp;

	ROJAVA&nbsp;

	&nbsp;

	Li herêma Rojavayê Kurdistanê jî ji ber vîrûsê qedexeya derketina derve hat ragihandin.&nbsp;

	&nbsp;

	BAŞÛR&nbsp;

	&nbsp;

	Li herêma Başûrê Kurdistanê jî qedexeya derketina derve heta nîsanê hat dirêjkirin.

	&nbsp;

	ÎRAN&nbsp;

	&nbsp;

	Li Îranê di 24 saetên dawî de 129 kesan jiyana xwe ji dest da. Li vî welatî bi giştî hezar û 685 kesî jiyana xwe ji dest da.

	&nbsp;

	YEWNANÎSTAN&nbsp;

	&nbsp;

	Li Yewnanîstanê ji ber vîrûsê 15 kesan jiyana xwe ji dest da û îro qedexeya derketina derve hat ragihandin.&nbsp;

	&nbsp;

	DYA&nbsp;

	&nbsp;

	Li Dewletên Yekbûyî yên Amerîkayê (DYA) heta niha hejmara bûyeran ji 35 hezarî bihûriye. Hejmara kesên jiyana xwe ji dest dane jî gihîştiye 458 kesan.&nbsp;

	&nbsp;

	ÎSPANYA&nbsp;

	&nbsp;

	Li Îspanyayê jî di nava 24 saetên dawî de 394 kesan ji vîrûsê jiyana xwe ji dest dan. Hejmar miriyan li vî welatî jî gihîşt hezar û 720 kesan.&nbsp;

	&nbsp;

	LI BOSNA HERSEK Û QIBRISÊ QEDEXE HAT RAGIHANDIN&nbsp;

	&nbsp;

	Li Bona Hersek û Qibrisê jî qedexeya derketina derve hat ragihandin. Li her du deveran jî hejmara bûyeran zêde dibe.&nbsp;

	&nbsp;

	ÇÎN

	&nbsp;

	Vîrûsa koronayê ewilî li bajarê Wuhan ê Çînê derket holê. Hejmara kesên li Çînê jiyana xwe ji dest dane gihîşt 3 hezar û 270 kesan. Li Çînê hejmara kesên bi vîrûsê ketine jî derketiye 81 hezar û 54 kesan.&nbsp;

	&nbsp;

	MIRINÊN EWIL

	&nbsp;&nbsp;

	Li aliye Qibrisa Rûm, Kolombiya, Kosova û Bakurê Makedonya mirinên ewil qewimîn.&nbsp;

	&nbsp;

	ELMANYA&nbsp;

	&nbsp;

	Li Elmanyayê hejmara bûyerên vîrûsê gihîşt nêzî 25 hezarî. Heta niha li Elmanya 94 kes mirin e. Li Elmanya hatina însanan a ba hev hat qedexekirin.&nbsp;

	&nbsp;

	&nbsp;

	ÎNGÎLÎSTAN&nbsp;

	&nbsp;

	Li Îngîlîstanê jî hejmara kesên jiyana xwe ji dest dane gihÎşt 230 kesan. Serokwezîr Boris Johnson di daxuyaniya xwe de da zanîn ku ew ê tevdîrên xurttir bigirin.&nbsp;

	&nbsp;

	ROMANYA

	&nbsp;

	Hat ragihandin ku dê li Romanya jî qedexeya derketina derve were ragihandin.&nbsp;