
Çepnî: Guhertinên ku girtiyên siyasî nexe nava xwe em qebûl nakin

2020-03-24 09:31:40


	ÎZMÎR – Parlementerê HDP'ê Mûrat Çepnî, bal kişand ser Pakêta Darazê ya 3'yan û nedaxilkirina girtiyên siyasî ya nav vê pakêtê û got, ev yek dijî rêgeza wekheviyê ya Qanûna Bingehîn e û ew ê vê yekê qebûl nekin.&nbsp;

	Wê bi Pakêta Darazê ya 3'yan re 100 hezar kes bên berdan. Lê belê girtiyên siyasî daxilî nav vê pakêtê nehatine kirin. Parlementerê HDP'ê yê Îzmîrê Mûrat Çepnî, bertek nîşan da û got: "Tişta îqtidar dike, sûcê dijî mirovahiyê ye."&nbsp;

	&nbsp;

	Çepnî, anî ziman ku di serdemeke ku tevahiya cîhanê bi vîrusa coronayê re têdikoşe de hikûmeta AKP'ê Pakêta Darazê ya 3'yan xistiye rojevê û got: "AKP, felaketan vediguherîne firsendan. Diviya tevahiya girtîgehan vala bike, lê belê biryareke bîrdoziyî girtiye û girtiyên siyasî derî vê yekê hiştiye. Hê nebûye qanûn, lê tişta tê nîqaşkirin ev e. Wis axuyaye çend roj şûnde wê di meclîsê re jî bê derbaskirin."&nbsp;

	&nbsp;

	BI SEDHEZARAN KES&nbsp;

	&nbsp;

	Çepnî, destnîşan kir ku piştî vê şewbê daxwaz civakê ew e ku girtiyên nexweş, zarok, girtiyên tevî zarokên xwe di girtîgehê de ne û extiyar bên berdan û got: "Di van şertan de divê bi sed hezaran mirov bi mirinê re rû bi rû neyên hiştin. Niha di girtîgehan de 457 jê giran hezar û 333 girtiyên nexweş û 3 hezar û 280 bebik û zarok û 7 hezar girtiyên siyasî hene. Kapasîteya girtîgehan 220 hezar e, lê 300 hezar girtî hene."

	&nbsp;

	Çepnî, destnîşan kir ku her ku hûrguliyên pakêtê aşkere bibin ew ê bi raya giştî re parve bikin û got: "Ew ê qanûneke ku girtiyên siyasî esas negire qethiyen qebûl nekin."&nbsp;

	&nbsp;

	Her wiha Çepnî, anî ziman ku nedaxilkirina girtiyên siyasî ya nav pakêta 3'yan dijî rêgeza wekheviyê ya Qanûna Bingehîn e û got: "Demildest divê dev ji vê nêzîkatiyê bê berdan."&nbsp;