
UNICEF: Rawestandina stasyona Elok 460 hezar mirovî dixe xeteriya koronayê

2020-03-24 15:05:12


	NAVENDA NÛÇEYAN - UNICEF, hişyarî derbarê rawestandina stasyonê avê ya Elokê da û got, rawestandina stasyonê jiyana 460 hezar kes dixe xeteriya koronayê.

	TSK û komên çekdar ên girêdayî wê piştî ku herêma Serêkaniyê ya bakurê Sûriyê dagir kirin dest danîn ser stasyona avê ya Elokê ya avê didin bajarê Hesekê û navçeya Til Temirê û bajarokên girêdayî wê û stasyon rawestand. Fona Alîkariya Zarokan a Neteweyên Yekbûyî (UNICEF) li ser mijarê daxuyanî da û got: "Carek din stasyona Elokê ya li bakur û rojhilatê Sûriyê hate rawestandin.Qurtkirina avê xebatên pêşlîgirtina belavbûna vîrûsa koronayê sînordar dike û zarok û malbatên wan dixe xeteriyek ku nayê qebûlkirin. Şûştina destan li dijî nexweşiya Covid 19 pêwîstiyeke girîng e."

	&nbsp;

	UNICEF'ê di daxuyaniyê de anî ziman ku stasyona Elok çavkaniya sereke ya avê ji derdora 460 kes ji bajarê Hesekê, Til Temir, kampên Hol û Erîşê re ye û wiha domand: "Peydabûna ava paqij mijareke girîng e ji bo parastina zarokan û malbatên wan ji nexweşiyan. Divê heta rojekê zarokek bê ava paqijî nejî. Ava paqij û şûştina destan jiyanê rizgar dike. Bikaranîna stasyonên avê ji bo destkeftiyên siyasî û leşkerî nayê qebûlkirin. Di serî de zarok azarên vê yekê dikşînin."

	&nbsp;

	&nbsp;