Meclîsa Jinan a HDP’ê: Jin dê vî wêne ji bîr nekin  

2020-04-11 18:22:40


	 

	NAVENDA NÛÇEYAN - Meclîsa Jinan a HDP’ê, diyar kir ku cenazeyê Egît Îpek ê bi PTT'ê ji malbatê re şandine li dijî mirovayetiyê ye û got, “Em ê dengê xwe li hember polîtîkaya şer û zilma desthilatdaran bilind bikin. Jin dê tu varî vî wêneyî ji bîr nekin. 

	 

	Meclîsa Jinan a Partiya Demokratîk a Gelan (HDP) der barê cenazeyê endamê PKK'ê Egîd Îpek ê ku bi kargo bi rêya PTT'ê ji malbatê re şandin daxuyaniyek nivîskî da. Meclîsa Jinan a HDP’ê di daxuyaniyê de wiha got: 

	 

	“Di van rojên ku koronavîrûs bandorê li ser jiyana me dike, ji bo ku mirinên zêdetir çênebin desthilata AKP’ê ya ku banga ‘Di mal de bimine’ kir, polîtîkaya xwe ya zilm û tunekirinê berdewam dike.

	 

	Mînaka vê ya herî dawî; Me dît ku cenazeyê gerîlayê PKK’ê Egîd Îpek yê di 23’ê Gulana 2017’an de li Girê Xalasor a ku girêdayî navenda Dêrsimê şehîd ketî, bi rêya postayê ji bo malbata wî hate şandin. Li gorî dayîka Halîse Aksoy a ku çuyî cenaze bigere dayî diyarkirin; ‘Dema ku ez çûm Edliyeya Amedê min pirs kir ‘Êmanet çi ye’ gotin, ‘Hestiyên we hatine, di nava qutiyê de ye’.

	 

	‘JIN WÊ VÎ WÊNEYÎ JI BÎR NEKIN’

	 

	Yên ku vê li jin û dayîkên Kurdan didin jiyankirin bila bizanin ku em jin vî wêneyî ji bîr nakîn. Em dengê xwe li dijî desthilata zilam a şer û polîtîkaya zilmê yê ku bûne sedemê vê êşa zarokên dayîkan bilind bikin; em wê ne siyasata mirinê, ya jiyanê berdewam bikin.

	 

	Bi ti şêweyî qanun nikare vê îzah bike ku vê pêkanînê weke ji bo parastina tenduristiya mirovan dibînin, Wezîrê Karûbarên Hundir yê ku banga ‘Di mal de bimîne’ kirî berpirsê van wêneyan e.”