
Nîvê şevê cenazeyê Kardaş ê HPG’yî defin kirin 

2020-04-30 07:32:22


	AMED - Malbata Kardaş, cenazeyê kurê xwe Hebûn Kardaş ku di operasyoneke eskerî de jiyana xwe ji dest dabû di bin dorpêça wesayîtên zirxî û eskeran de definkir.

	&nbsp;

	Malbata Kardaş, piştî encama DNA'yê cenazeyê kurê xwe Hebûn Kardaş ê ku li Licê ya Amedê di 15'ê Nîsanê de di operasyoneke eskerî de jiyana xwe ji dest dabû ji morga Nexweşxaneya Perwerde û Lêkolînê ya Gazî Yaşargîlê girt. Qerekola Cendermeyan a Sûrê, duh di nav rojê de malbat agahdar kir ku dê bişev cenazeyî bidin malbatê. Li ser vê yekê malbat ji çû Nexweşxaneya Lêkolîn û Perwerdehî ya Gazî Yaşargîlê. Di heman demê de Parlementerên Partiya Demokratîk a Gelan (HDP) yên Amedê, endam û rêveberên HDP’ê û endam û rêveberên Komeleya Çand, Piştevanî û Alîkariyê ya Kesên li Dergûşa Şaristaniyê Xizmên Xwe Winda Kirine (MEBYA -DER) û gundiyên malbatê jî çûn li cem malbatê. Polîsan li ser kombûna girseyê gotin ku heta girse belav nebe cenazeyî nadin. Ji ber vê parlementer û amirê polîsan ketin qirika hev. Bav Kardaş jî li ser vê yekê got, ‘hûn cenazeyî nedin ez ê li vê derê xwe bişewitînim.’ Li ser gotina bav Kardaş rayedaran cenaze radestî malbatê kirin.&nbsp;

	&nbsp;

	CENAZE SAETEKÊ GERANDIN

	&nbsp;

	Malbata Kardaş piştî cenaze girt ji bo definkirinê ber bi Gundê Zorava yê Sûrê ve ket rê. Parlementerên ku xwestin bi cenazeyî re biçin, polîsan ew asteng kirin û nehiştin biçin. Malbatê cenaze ji nexweşxaneyê heta goristanê di bin dorpêça maşîneyên polîsan de bir. Eskerên ku di têketine gund de sekînîbûn nehiştin endam û rêveberên HDP’ê û MEBYA-DER’ê û gundî beşdarî merasîma definkirinê ya cenaze bibin. Her wiha eskeran bi qasî saetekê cenaze li gundên derdorê gerandin û pişt re cenaze anîn goristana gund. Gelek esker û erebeyên zirxî &nbsp;gund û goristan dorpêç kirin.&nbsp;

	&nbsp;

	Malbata Kardaş cenazeyê kurê xwe saet di 11 û nîvê şevê de li Goristana Gund defin kir. Di dema definkirinê de tenê destûr dan 15 kesên ji malbatê ku tev li merasîma definkirinê bibin.&nbsp;

	&nbsp;

	Her wiha gundiyan jî li pişt dorpêça eskeran dirûşmeya "Şehîd Namirin" û "Ey şehîd xwîna te li erdê namîne” berz kirin. Pişt re sirûda Çerxa Şoreşê gotin.

	&nbsp;

	&nbsp;