Hat îdiakirin ku di kêliya welidandinê de tundî hatiye kirin 

2020-05-07 14:26:04


	 

	AGIRÎ – Menav Taştan îdia kir ku hevjîna wî Îlknûr a li serwîsa welidandinê ya Nexweşxaneya Bazîdê di encama tundiya lê hatiye kirin de zarok miriye û giliyê berpirsiyaran kir.

	 

	Li navçeya Bazîdê ya Agiriyê Menaf Taştan îdia kir ku hevjîna wî Îlknûr Taştan a li serwîsa welidandinê ya Nexweşxaneya Dewletê ya Bazîdê di encama tundiya lê hatiye kirin de zarok miriye. Taştan got bûyer di 1’ê gulanê de pêk hatiye û îdia kir ku ebeyan tundî li hevjîna wî kiriye û ji ber vê yekê zarok mirî hatiye dinyayê. Taştan ragihand ku wî derbarê ebeyan de gilî kiriye û dê vê meseleyê bişopîne. Taştan diyar kir ku di mehek dawî de jinek din jî li vê nexweşxaneyê dema welidiye zarok miriye û êdî însan ditirsin ku ji bo welidandinê biçin nexweşxaneya dewletê.

	 

	MIJARÊ BIR ROJEVA MECLÎSÊ

	 

	Parlamentera HDP’ê ya Agiriyê Dîlan Dîrayet Taşdemîr vê mijarê bir rojeva Meclîsê û gilî û gazinên Menav Taştan ji Wezîrê Tenduristiyê Fahrettîn Koca pirsî.