
Projeya RES a li Keleha Rabat û Şelaleya GAP’ê bê avakirin hat qebûlkirin     

2020-05-11 09:17:20


	MÊRDÎN - Rapora ÇED a projeya RES a navçeyên Dêrik, Şemrex û Qoserê digire nava xwe, hat qebûlkirin. 50 tûrbînên bayê yên di çarçoveya projeyê de bên avakirin, gefan li Keleha dîrokî Rabat a ji serdema Roma ve maye û Şelaleya GAP a dîrokî dixin. &nbsp; &nbsp;

	Yek ji projeyên RES ên ku li qadên dîrokî û li ser rêyên koça çivîkan li cihên cuda yên Tirkiyeyê tên avakirin, tê xistin ku li qadek berfireh a dikeve sînorê navçeyên Dêrik, Şemrex û Qoser ên Mêrdînê bê avakirin. Şîrketa Anonîm a Ceyranê Dîcleres, dixwaze li herêmê bi navê “Projeya Santrala Enerjî ya Bayê ya Dîcleres” 50 tûbînên bayê yên Santralên Enerjiya Bayê (RES) ava bike. Wezareta Bajarvanî û Derdorê di rapora Nirxandina Bandora Derdorê (ÇED) a ji bo projeyê hatibû amadekirin de, biryara “Erênî ÇED” da. Di çarçoveya projeya hat amadekirin de, li Dêrikê 37, li Şemrexê 9 û li Qoserê jî 4 bi giştî wê 50 tûrbînên bayê bên avakirin.&nbsp;

	&nbsp;

	DARISTAN Û MÊRG DÊ BI BANDOR BIBIN

	&nbsp;&nbsp;

	Çawan ku ev tûrbînên bayê bên avakirin, wê erdên çandiniyê, daristan û qadên mêrg bi bandor bibin. Hat diyar kirin ku ji bo terxana daristin û mêrgan, wê serî li komîsyonên têkildar bên dayîn. &nbsp;&nbsp;

	&nbsp;

	GEL DI CIVÎNÊ DE TUNE BÛ &nbsp;&nbsp;

	&nbsp;

	Hat dest nîşan kirin ku dema rapora ÇED’ê ya projeyê hat amadekirin, bi tu awayî nêrîna gel nehat girtin û ji bo gel tenê Civîna Agahdarkirina Gel hatiye lidarxistin. Civîn di 24’ê Kanûna 2018’an de li Taxa Kale ya Dêrikê hat lidarxistin. Midûrê Bajarvanî û Derdorê yê Mêrdînê Mesût Agrakçe beşdarî vê civînê bû. Balkêşe ku tenê Agrakçe, cerdevaneke emekdar, rêvebereke AKP’ê yê berê, 5 karmend bi giştî 15 kes tevlî vê civînê dibin. Lê gelê Derikê bi tu awayî beşdarî civînê nehatin kirin.&nbsp;

	&nbsp;