
Dr. Deger: Heta derman neyê dîtin mirov nikare qala asayîbûnê bike 

2020-05-15 10:16:55


	&nbsp;

	WAN - Serokê Odeya Tabîban a Wanê Ozgur Deniz Deger, têkildarî rewşa vîrûsa corona diyar kir ku ji niha de hewldanên “asayîbûnê" pir zû ye û wiha got: "Heta derman û derzî neyên dîtin mirov nikare qala asayîbûnê bike.&nbsp;

	&nbsp;

	Vîrûsa Corona ku li tevahiya cîhanê belav bûye, heta niha bû sebeba mirina sedhezaran mirov. Li Tirkiyeyê kesên bi vîrûsa corona mirin 4 hezar derbas kir. Hêj derman nehatiye dîtin û vîrûs nehatiye qontrolkirin, lê rayedar amadekariya asayibûnê dikin. Serokê Odeya Tabîban a Wanê Ozgur Deniz Deger, têkildarî rewşa vîrûsa corona diyar kir ku ji niha de hewldanên “asayîbûnê" pir zû ye û wiha got: "Heta derman û derzî neyên dîtin mirov nikare qala asayîbûnê bike. "&nbsp;

	&nbsp;

	Deger, bal kişand ser zêdebûna nexweşiya şewba vîrûsa corona ya 10 rojên dawî ku li Wanê zêde bûye û wiha got: "Dema em li vê zêde bûnê dinerin derbasî rewşa asayîbûnê pir zû ye. Hêj şewb nexistine kontrolê. Hêj mirov bi şewbê dikevin. Kengî derzî û derman hatin dîtin û şewb hat kontrolkirin wê demê mirov dikare qala 'Asayîbûnê' bike'. Di vê rewşê de pêvajoya &nbsp;'asayîbûnê' dest pê bike dê rîskek gelek mezin bi xwe re bîne.&nbsp;

	&nbsp;

	Mînak li Wanê mala Sersaxiyê hat vekirin, Ji ber vê mala sersaxiyê hêjmara nexweşên bi şewbê ketin zêde bû. Em nikarin bêjin ev şewb hatiye kontrolkirin. Biryara vekirina AVM û kuaforan şaş e. Em ê 14 roj şûnde bibînin ku ev biryar çiqas şaş e. Hefteyek şûnde dê dîsa hêjmara nexweşan zêde bibe."&nbsp;

	&nbsp;