Hevserokê TÛAY-DER'ê Guzel û endamên wê hatin girtin 

2020-06-10 21:18:02


	 

	 

	AMED - Hevserokê TÛAY-DER'ê Mehmet Emîn Guzel û rêveber Şafî Hayme û endama komeleyê Muşeher Ulker ku li Amedê hatibûn binçavkirin bi îdiaya "endamtiya rêxistinê" hatin girtin û 4 kes jî bi şertê kontrola edlî hatin berdan. 

	 

	Di çarçoveya lêpirsîna Serdozgeriya Komarê ya Amedê de duh polîsan avêtibû ser gelek malan. Di avêtina ser malan de Encamê Meclîsa Şaredariay Rezanê Vahît Dogû, hevserokê Komeleya Alîkariya bi Malbatên Girtiyan re (TÛAY-DER) Mehmet Emîn Guzel, rêveberê komeleyêê Şafîî Hayme û endamên komeleyê Leyla Ayaz, Abdulmenaf Kûr, Muşeher Ulker û endama MEBYA-DER'ê Hanim Altindag hatibûn binçavkirin. 

	 

	Piştî îfadeya li Midûriyeta Emniyetê ya Amedê îro sewqî edliyeyê hatin kirin. Dozgeriyê her 7 kes bi daxwaza girtinê sewqî dadgehê kir. Dadgeriyê jî bi îdiaya "endamtiya rêxistinê" hevserokê TÛAY-DER'ê Mehmet Emîn Adiguzel, rêveberê komeleyê Şafîî Hayme û endama komeleyê Muşeher Ulker hatin girtin û 4 kesên din jî bi şertê kontrola edlî hatin berdan.