
Konca: Dê bi pêşengtiya jinan ber bi azadiyê ve bimeşin 

2018-01-13 14:56:19


	EDENE - Parlamentera HDP’ê ya Sêrtê Besîme Konca, diyar kir ku dê bi pêşengtiya jinan pêşiya faşizma desthilatdariya AKP’ê ku dixwaze li Tirkiyeyê gav bi gav pêş bixe, bigirin û wiha got: “Dê bi pêşengtiya jinan ber bi azadiyê ve bimeşin.”&nbsp;

	Rêxistina HDP’ê ji bo 3'emîn Kongreya Asayî ya di 11'ê Sibatê de pêk bînin, li Salona Konferansê ya Tum Bel Sen ya Enqereyê bi tevlêbûna Wekîlê Serokê Koma HDP'ê Ahmet Yildirim û Endamên MYK'ê Beycan Taşkiran û Yurdusev Ozsokmenler Konferansa herêmê pêk anî.

	&nbsp;

	Meclîsa Jinan a HDP’a Edeneyê berî 3’yemîn Kongreya Asayî ya Partiya Demokratîk a Gelan (HDP), ya di 11’ê Sibatê de li Enqerê pêk bê, Konferansa Jinên Heremê pêk anî. Konferans bi beşdar bûna Parlamenterên HDP’ê Meral Daniş Beştaş, Besîme Konca û Aycan Îrmez, gelek rêveberên partiyê yên &nbsp;Edenê, Hatay, Mêrsîn û Osmaniyê li Otela Şîrîn Park hat lidarxistin.&nbsp;

	&nbsp;

	Piştî deqeyek rêzgirtinê,Hevseroka HDP’ê ya Edeneyê Gulseren Tural axaftina vekirinê kir. Dûrê Parlamentera HDP’ê ya Sêrtê Besîme Konca, axivî û wiha got: “Hemû jin û gelên heyî di pêvjoyek zehmet re derbas dibin. Weke Meclîsa Jinan a HDP’ê derketina me ya koçeyan, qadan û hatina gel hev, xwedî nirxek dîrokiye. Îro desthilatdariya AKP’ê gav bi gav faşîzmê dihûne. Jin xwedî wê berpirsiyariyê ne ku li dijî hemû tundiyan derbikevin. AKP jiyanek xizan pêşkêşî me dike. Mirov li pêşberî raya giştî canê xwe didin ber agir. Ên ku vî agirî vemirînin, jiyanek xweşik ava bikin û vê bi civakê re bikin yek dê jin bin. Ev dikeve ser mile jinan.” &nbsp;

	&nbsp;

	'DIVÊ EM TÊKOŞÎNÊ MEZIN BIKIN'

	&nbsp;

	Konca, da zanîn ku ew ji bo azadî, demokrasî û wekheviyê li hev kom bûne û wiha got: “Faşîzmîn bi her awayî tundiyê ferzî jinê dike û em jî li dijî vê yekê têdikoşin.” Konca, di dawiya axaftina xwe de wiha got: “Meclîsa Jinan a HDP’ê dê bi kevneşopiya xwa dîrokê re dê têkoşîna xwe bidomîne. Ezmûnên me dê hemû têkoşînan bi konferans û kongreyên me re hîn xurtir bike. Emê di 8’ê Adarê de têkoşîna xwe mezintir bikin û ev ji bo rawestandin faşîzmê girîng e. Ez hemû hevalên me yên girtî û yên hatin qetilkirin bibîr tînim û dibêjim ‘An serkeftin an serkeftin.’”&nbsp;

	&nbsp;

	Piştî Konca, peyamên Hevseroka Giştî ya HDP’ê Fîgen Yuksekdag û Hevşaredara Bajarê Mezin a Amedê Gultan Kişanak ku ji konferansê re şandin, hatin xwendin. &nbsp;

	&nbsp;