
Li du bajaran tundiya zilam: Mirina biguman, êriş û îşkence 

2021-03-10 11:34:15


	NAVENDA &nbsp;NÛÇEYAN - Li Esenyûrtê ya Stenbolê Sevcan Demîr bi awayekê biguman jiyana xwe ji dest da. Li Beyoglûyê, zilamekê bi kezabê êrişî jinek trans a penaber kir. Li Kocaeliyê jî, Ayten Erbaş, du rojan ser hev, ji aliyê Velî Erbaş ve hat îşkencekirin.&nbsp;

	Li Taxa Suleymaniye ya navçeya Esenyûrt a Stenbolê, di daîreyeke apartmanê de, nîqaş di navbera du hevjînên hev Sevcan Demîr )23) û Kenan Daniş de derket. Cîranên wan agahî dan polîsan. Polîsên ku hatin cihê bûyerê, ji ber ku Sevcan Demîr gilî nekir, ji cihê bûyerê veqetiyan.&nbsp;

	&nbsp;

	Piştî veqetîna polîsan ji cihê bûyerê saetekê Sevcan Demîr bi awayekê bi guman ji qata 4’emîn a daîreyê ket û bi giranî birîndar bû. &nbsp;

	&nbsp;

	Ekîbên tenduristiyê yên hatin cihê bûyer Demîr rakirin nexweşxaneyê. Lê ligel hemû mûdaxileyan jî Demîr jiyana xwe ji dest da. Polîsên hatin cihê bûyerê, Kenan Daniş binçav kirin û dest bi lêpirsînê kirin.

	&nbsp;

	Di heman demê de, li Beyoglûyê jî, zilamekê rûpoş û serpoş, bi kezabê êrîşî jina trans a penabera Sûriyeyî kir. Jina trans a birîndar bû rakirin nexweşxanê. Hat îdîakirin ku zilamê êrîşî jina trans kiriye, berê hevalê wê bûye û ev demeke ji hev cuda bûne. Hat destnîşan kirin ku ev zilam hîna jî nehatiye binçavkirin.

	&nbsp;

	KOCAELÎ&nbsp;

	&nbsp;

	Li navçeya Korfezê ya Kocaeliyê jî Welî Erbaç hevjînê xwe Ayten Erbaç di odeyekê de kilîd kir û du rojan, bêav, bêxwarin hişt û îşkence lê kir. Zarokên Ayten Erbaç, piştî bûyerê dîmenên dayika xwe kişandin û li ser medya civakî parve kirin. Ev îşkenceya zilam rastî bertek mezin hat.

	&nbsp;

	Velî Erbaç, piştî bihîstina bûyerê hat binçavkirin û dûre ji ber sûcê îşkenceyê hat girtin.&nbsp;

	&nbsp;

	&nbsp;

	&nbsp;

	&nbsp;