
Jinên HDP’î bi şandeya Denmarkê re Peymana Stenbolê nirxandin 

2021-04-16 11:30:53


	&nbsp;

	ENQERE - Jinên HDP’î û jinên endamên Parlementoya Denmarkê, biryara vekişîna Peymana Stenbolê bi civîneke online nirxandin. Jinan biryardariya domandina têkoşînê ya di platformên navnetewî de anîn ziman.&nbsp;

	&nbsp;

	Rêveberên jin ên Partiya Demokratîk a Gelan (HDP) bi jinên Endamên Parlementoya Denmarkê di civîna onlinê de civiyan. Jinan biryara vekişîna Peymana Stenbolê nirxandin. Di civînê de Berdevka Meclîsa Jinan a HDP’ê Ayşe Acar Başaran, Berdevka Komîsyona Dîplomasiyê ya Jinan û Hevberdevka Maseya Rojhilata Navîn a HDP’ê Gulistan Kiliç Koçyîgît, Alîkara Hevserokên Giştî ya ji Karên Derve Berpirsyar Feleknas Ûca û Endama Komîsyona Têkiliyên Derve ya HDP’ê Ayşe Berktay û Endamên Parlementoya Denmarkê Sînem Demîr, Anne Hegelund, Maria Temponeras û beşdarên Denmarkî tevli civînê bûn.&nbsp;

	&nbsp;

	PEYMANA STENBOLÊ&nbsp;

	&nbsp;

	Ayşe Acar Başaran a di civînê de axivî, diyar kir ku biryara vekişîna Peymana Stenbolê ne biryareke ku tenê Tirkiyeyê eleqedar bike ye û wiha got: “Divê em li dijî hişmendiya serweriya zilam a netewperest, mîlîtarîst û yekperest ku li her derê cîhanê ye têkoşîna jinan a enternasyonal mezin bikin.” Parlementer Feleknas Ûca jî wiha axivî: “Peymana Stenbolê grîngiya xwe ji têkoşîna hatiye dayîn digire. Ji ber vê yekê divê em vê peymanê bi hev re biparêzin.”

	&nbsp;

	Şandeya Denmarkî jî xwest ku li Tirkiyeyê ji vekişîna Peymana Stenbolê heta tecrîda ser Rêberê PKK’ê Abdulah Ocalan tê meşandin û hemû binpêkirinên mafan bên nirxandin û anî ziman ku divê li ser van mijaran xebatên komî ên enternasyonal ên berfirehtir bên kirin. Şandeyê da zanîn ku berdewamkirina civîna pêdiviyeke.&nbsp;

	&nbsp;