
Li Antalyayê mirina biguman a dayik û keça wê  

2021-05-06 16:18:50


	&nbsp;

	ANTALYA - Li navçeya Mûratpaşayê dayikek û keça wê li mala ku lê dijiyan, bi awayekî biguman mirî hatin dîtin. Di lêkolîna hat kirin de hat tespîtkirin ku der û pencereyên malê bi folyoyê hatine girtin û di hundir de gaza karbonmonoksîtê hatiye berdan.&nbsp;

	&nbsp;

	Xizmên Nûray Akgul (52) û keça wê Melîs Demîrkol (30) ên li Kolana 1887 a Taxa Guzelolûk a navçeya Mûratpaşa ya Antalyayê dijiyan, piştî ku agahî ji wan negirtin li polîsan geriyan. Polîsên ku hatin cihê bûyerê, dîtin ku dayik û keça wê li erdê bêtevger dirêjkirî ne. Di kontrolkirina tîmên tenduristiyê de hat diyarkirin ku dayik û keça wê jiyana xwe ji dest dane.

	&nbsp;

	Di lêkolîna hat kirin de, hat tespîtkirin ku der û pencereyên malê bi folyoyê hatine girtin û di hundir de gaza karbonmonoksîtê hatiye berdan. Wekî din hat îdiakirin ku li malê nîşeyeke ku çapemenî mirina wan neke nûçe hatiye dîtin. Tîmên tenduristiye cenazeyê Nûray Akgul û keça wê Melîs Demîrkol rakirin morga Saziya Tiba Edlî ya Antalyayê. Hat hîn bûn ku wê cenazeyê wan li Stenbolê bê definkirin.&nbsp;

	&nbsp;

	&nbsp;

	&nbsp;