
Gulîzar Kahraman: Ez naxwazim bêm kuştin

2022-09-02 15:57:00


	&nbsp;

	AMED - Gulîzar Kahraman a ku hevjînê wê Azîz Kahraman xwest wê bikuje diyar kir ku divê bersûc neyê berdan û ew naxwaze bê kuştin.&nbsp;

	&nbsp;

	Gulîzar Kahraman li navçeya Erxeniyê ya Amedê dijî. Hevjînê wê Azîz Kahraman ku dixwest hevberdin di 30’ê gulanê de biarmanca wê bikuje bi sîlehê wê birîndar kir. Kahraman ê bersûc ji sûcê “birîndarkirin biqestî” girtî tê darizandin. Danişîna dozê li Dadgeha Erxeniyê hat lidarxistin. Bersûc tev li danişînê nebû.&nbsp;

	&nbsp;

	Gulîzar Kahrmaman û şahidên bûyerê di danişînê de amade bûn. Rêveber û nûnerên Baroya Amedê, ÎHD, Sendîkaya SES’ê, Egîtîm Sen û Komeleya Jinan a Rosayê jî dozê şopandin.&nbsp;

	&nbsp;

	BI FIKAR E Û EWLEHIYA WÊ NÎNE &nbsp;

	&nbsp;

	Gulîzar di danişînê de axivî û diyar kir ku faîl bi awayek sîstematîk tundiyê lê dikir û wê roja bûyerê faîl bi armanca wê bikuje wê şopandiye û gule berdaye. Kahraman da zanîn ku ew naxwaze bersûc bê berdan û heke bê berdan dê wê bikuje û ew û malbata xwe jî ji vê yekê bi fikar in. Kahraman destnîşan kir ku tu ewlehiya canê wê nîne û got: “Ez naxwazim bêm kuştinê.”&nbsp;

	&nbsp;

	Parêzera Gulîzar Kahraman jî axivî û bal kişand ser tundiya li jinan tê kirin û xwest bersûc neyê berdan.&nbsp;

	&nbsp;

	Dadgehê biryara dewama girtina bersûc da û danişînek din taloqî 8’ê îlonê kir.&nbsp;

	&nbsp;