
Hovîtiya leşkerên Azerbaycanê: Jina ermen a leşker tecawiz kirin û bi îşkenceyê qetil kirin  

2022-09-18 13:25:31


	&nbsp;

	NAVENDA NÛÇEYAN - Jina erman a leşker Asuh Apetyan dîl ketibû destê leşkerên Azerbaycanê. Hat zanîn ku leşkerên Azerbaycanê ji ewil destdirêjî li Apetyan kiriye û piştre jî bi îşkenceyê qetil kirine. &nbsp;

	&nbsp;

	Leşkera Ermenistanê jina bi navê Ansuh Apetyan a 36 salî, li Jermukê dîl ketibû destê leşkerên Azerbaycanê. Hat zanîn ku Apetyan ji ewil rastî destdirêjiya leşkerên Azerbaycanê hat û piştre jî bi îşkenceyê hat qetilkirin. Derket holê ku gelek deverên Apetyan hatibû parçekirin.&nbsp;

	&nbsp;

	Nûçegihanê France 24’ê Achren Verdian li ser hesaba xwe ya medyaya civakî bûyer ragihand û ev agahî parve kirin: “Anush Apetyan 36 salî û dayika 3 zarokan bû. Li derdora #Jermuk’ê jiyana xwe ji dest da. Leşkerên Azerbaycanê dîmek parve kir û tê de dikenin. Apetyan ji hêla van leşkeran ve hat tecawizkirin (ling û tiliyên wê hatin birîn, çavên wê hatin derxistin).”&nbsp;

	&nbsp;

	Piştî ku dîmen li ser medyaya civakî hatin parvekirin, gelek bikarhinêran bertek nîşan dan. Rayedarên ermen dan zanîn ku Azerbaycanê sûcê şer kiriye û bi vê yekê re hiqûqa navneteweyî hatiye binpêkirin.&nbsp;

	&nbsp;