
Li Îzmîr û Manîsayê 2 jin hatin qetilkirin 

2022-10-23 14:36:01


	&nbsp;

	ÎZMÎR/MANÎSA - Li Îzmîrê Hulya Şevalci Yegîn û li Manîsayê jî Hûriye Zeybek hatin qetilkirin.

	&nbsp;

	Cenazeyê jina bi navê Hulya Şevalci Yegîn li Sîteya Solvanan a Işikkentê ya navçeya Bornovaya Îzmîrê di di atolyeyeke neqişkirinê de hat dîtin. Malbata Yegîn, îlana windabûna keça xwe dabûn û piştî lêkolînan, cenazeyê Yegîn li atolyeya ku xwediya wê bû hat dîtin. Piştî agahdarkirinê, komên tenduristiyê û polîs sewqî cihê bûyerê hatin kirin. Piştî lêkolînên cihê bûyerê, cenazeyê Yegin ji bo kar û barên otopsiyê rakirin morga Saziya Tipa Edlî (ATK) ya Îzmîrê.&nbsp;

	&nbsp;

	LI BERSÛC TÊ GERÎN

	&nbsp;

	Hat zanîn ku têkildarî mirina Yegîn, li zilamê bi navê Kaffar Yegîn tê gerîn ku 6 meh berê bi Yegîn re zewicîbû û ev meheke hewl dide dest jê berde. Li gorî agahiyan, Kaffar Yegîn gelek caran gefa kuştinê li Hulya Yegîn xwarine û Hulya Yegîn jî 4 caran giliyê Kaffar Yegîn kiriye. Li aliyê din derket holê ku der barê Kaffar Yegîn de biryara dûrxistinê jî hatiye derxistin. &nbsp;

	&nbsp;

	Lêpirsîna têkildarî bûyerê didome.&nbsp;

	&nbsp;

	LI MANÎSAYÊ JINEK HAT QETILKIRIN

	&nbsp;

	Li aliyê din, li navçeya Şehzadeler a Manîsayê jî jina bi navê Hûriye Zeybek ji aliyê Zafer Zeybek ku pê re zewicî bû, hate qetilkirin. Piştî agahdarkirinê, komên tenduristiyê û polîs li cihê bûyerê hatin veguhestin. Polîsan Zafer Zeybek ku li malê bû binçav kirin û birin qereqolê.&nbsp;

	&nbsp;