
Di doza ‘îstîsmara zayendî’ de daxwazên girtinê nehate qebûlkirin

2022-12-02 14:47:50


	&nbsp;

	ŞIRNEX - Di danişîna doza derbarê Cîgirê Midur Bûrak Ercan ê li Lîseya Anatoliya ya Navendî ya Cizîrê îstîsmara zayendî li xwendekaran kir de hatiye vekirin, daxwazên girtinê nehatin qebûlkirin.&nbsp;

	&nbsp;

	Cîgirê Lîseya Anatoliya ya Navendî ya Cizîrê û Nûnerê Egîtîm Bîr-Senê Burak Ercan, di sala 2019’an de li Cizîr a Şirnexê tacîza zayendî li zêdetirî 40 xwendekaran kir. Danişîna 2’yemîn a doza derbarê Ercan de bi sûcdariyên “tacîza bi devkî” , “hewldana îstîsmara zayendî” û “îstîsmara zayendî ya hesan” hatiye vekirin li 1’emîn Dadgeha Cezayê Giran a Cizîrê hate lidarxistin. Di danişînê de parêzerên kesên mexdûr amade bûn, bersûc Bûrak Ercan û parêzerê wî ji Stenbolê bi SEGBÎS’ê tev li danişînê bûn. Parêzerên Wezareta Polîtîkayên Civakî û Malbatê jî bi ser SEGBÎS’ê beşdarî danişînê bûn. Rêveberên Egîtîm Sen û ÎHD’ê şopandin.&nbsp;

	&nbsp;&nbsp;

	Di danişîna bi tespîta nasnameyan dest pê kir de ewilî şahid hatin guhdarkirin. Yek ji şahidan cîgirê midurê dibistanê M.B. îdiakir ku piştî ev bûyer derket holê bihîstî ye.&nbsp;

	&nbsp;

	Yek ji xwendekaran S.T. ku bi ser SEGBÎS’ê hate guhdarkirin bi lêv kir ku faîl Bûrak Ercan beriya niha heqaretên zayendî li hevalekî wî kirine.&nbsp;

	&nbsp;

	‘ZIRARÊ DIDE DOZÊ’

	&nbsp;

	Pişt re yek ji parêzerên mexdûran Salîh Acar, anî ziman ku ev bûyer di nava civakê de rê li ber hêrsekê vedike û got: “Dirêjbûna dozê bi awayekî psîkolojîk mexdûr westandine. Darizandina sûcdar a bêyî girtinê zirarê dide dozê. Em daxwaz dikin ku îhtîmala zarokên me yên rastî bûyereke bi heman rengî werin, li ber çavan bê girtin û bersûc girtî were darizandin.”

	&nbsp;

	Parêzerên Wezareta Polîtîkayên Civakî û Malbatê jî xwest bersûc bê girtin.&nbsp;

	&nbsp;

	FAÎL SEROKÊ BAROYÊ HEDEF GIRT

	&nbsp;

	Faîl Bûrak Ercan serokê baroyê kir hedef û îdia kir ku tacîza zayendî li dijî jiyana rojane ya asayî ye û xwest bê beraet kirin. Şandeya dadgehê mudaxile li Ercan kir ku û hişyar kir ku hempîşeyên wan hedef neyên girtin.&nbsp;

	&nbsp;

	Piştî navbereke kurt şandeya dadgehê daxwazên girtina bersûc qebûl nekirin û biryar da ku mexdûr bi zorê di danişîneke din de bên amadekirin û danişîn taloqî 20’î çileyê kir.&nbsp;

	&nbsp;

	22 MEH CEZAYÊ HEFSÊ HATIBÛ DAYÎN&nbsp;

	&nbsp;

	Di doza ewilî hatiye vekirin û di 11’ê adarê de biryar hatibû dayîn de li Bûrak Ercan ji ber “tacîza zayendî” 22 meh û 15 roj cezayê hefsê hatibû birîn.&nbsp;

	&nbsp;

	&nbsp;

	&nbsp;