
7 sal û 6 meh cezayê hefsê dan damezirînera Komeleya Jinan a Rosayê Gezgor 

2023-09-11 16:56:55


	&nbsp;

	AMED - Li Endama Damezirîner a Komeleya Jinan a Rosayê Narîn Gezgor 7 sal û 6 meh cezayê hefsê hate birîn.&nbsp;

	&nbsp;

	Endama Damezirîner a Komeleya Jinan a Rosayê Narîn Gezgor di 8’ê hezîrana 2020’an di çarçoveya lêpirsîna derheqê komeleyê de hatibû binçavkirin, piştre hate girtin û piştre hatibû berdan. Gezgor, bi awayekî negirtî û bi îdiaya “endamtiya rêxistinê” dihat darizandin. Di 11’ê mijdara 2020’an de dadgehê 7 sal û 6 meh cezayê hefsê da. Dadgeha Îstînafê jî bi sedema “lêkolîn kêm hatiye kirin” biryar betal kiribû. Li ser vê yekê Gezgor dîsa hate darizandin û danişîna wê li 9’emîn Dadgeha Cezayên Giran a Amedê hate lidarxistin. Gezgor tev li danişînê nebû lê parêzerên wê Elîf Tîrenç Îpek Ulaş û Semra Balyan amade bûn.&nbsp;

	&nbsp;

	DOZGER DAXWAZA GIRTINÊ KIR&nbsp;

	&nbsp;

	Dozger, mutalaaya xwe pêşkeş kir. Di mutalaayê de cih da daxuyaniyên Gezgor tev li bûye, hevpeyvînên bi boneya damezirandina komeleyê hatine dayîn û îfadeyên şahidên nepen. Dozger, Gezgor bi îdiaya “endamtiya rêxistinê” tawanbar kir û xwest were girtin.&nbsp;

	&nbsp;

	‘ENDAMTIYA KOMELEYA JINAN A ROSAYÊ SÛC NÎNE’&nbsp;

	&nbsp;

	Parêzer Elîf Tîrenç Îpek Ulaş li dijî mutalaayê parastin kir û bi bîr xist ku dosya ji îstînafê vegeriyaye. Uaş, got ku şahid Fuat Yavuzer diyar kiriye ku miwekîla wê nas nake. Ulaş, got ku mutalaaya dozger mîna ya berê ye û ev tişt anî ziman: “Endamtiya Komeleya Jinan a Rosayê sûc nîne.” Ulaş, biryara mînak pêşkeşî şandeyê kir û xwest ji bo miwekîla wê biryara beraetê were dayîn û biryara kontrola edlî were rakirin. &nbsp;Parêzer Semra Balyan jî daxwaza beraeta miwekîla xwe kir.&nbsp;

	&nbsp;

	Şandeya dadgehê jî bi îdiaya “endamtiya rêxistinê” careke din 7 sal û 6 meh cezayê hefsê da Gezgor.&nbsp;