
Delegasyona Jinan a Navnetewî serdanên xwe yên li Stenbolê bi dawî kirin

2023-12-10 18:15:24


	&nbsp;

	STENBOL - Delegasyona Jinan a Navnetewî ku di nav de parêzer, parlamenter, ekolojîst û nûnerên saziyên sivîl jî hene serdanên xwe yên ku 2 rojan dom kirin bi HDK’ê re bi dawî kir. Şande dê serdanên xwe sibê li Amedê bidomîne.&nbsp;

	&nbsp;

	Şandeya Jinan a Navneteweyî ya ji 7 kesan pêk tê ku ji gelek welatên Ewropayê parêzer, parlamenter, ekolojîst û nûnerên saziyên sivîl jî di nav de hene, duh hate Tirkiyeyê, serdana Buroya Hiqûqê Sedsalê, Komeleya Mafên Mirovan (ÎHD), Weqfa Mafên Mirovan a Tirkiyeyê (TÎHV), Dayikên Şemiyê û Jin Bi Hev Re Hêzin kirin. Şandeya ku du rojan têkildarî tecrîdê û binpêkirinên mafan ên li girtîgehan serdanên xwe kirin îro jî serdana Komeleya Dema Jinan e û Hewldana Jinan a Hezar Ayselan kir.&nbsp;

	&nbsp;

	Şandeyê serdanên xwe yên du rojan bi serdana Kongreya Demokratîk a Gelan (HDK) re bi dawî kir. Şandeyê Hevberdevka HDK’ê Esengul Demîrê li avahiya Navenda Giştî ku li Beyoglû ye û endamên Meclisa Jinan pêşwazî kirin.&nbsp;

	&nbsp;

	‘PIRSGIRÊKA ME YA BINGEHÎN ÇARESERIYA PIRSGIRÊKA KURD E’&nbsp;

	&nbsp;

	Demîr, da zanîn ku gelek Meclisên HDK’ê hene yek ji van Meclisa Jinan e û wiha got: “Pirsgirêka me ya bingehîn çareseriğya pirsgirêka kurd a bi rêyên demokratîk e. Hemû pêkhateyên HDK’ê ji bo çareseriya pirsgirêka kurd hatine gelhev. Zêdetirî 20 avadaniyan pêkhateyên kongreya me ne.”

	&nbsp;

	YEK JI CIHÊN ÎLHAMÊ JÊ DIGIRIN ROJAVA YE

	&nbsp;

	Endamên Meclisa Jinan a HDK’ê jî wiha gotin: “Armanceke me heye ku jiyaneke nû hedef digire û çanda jiyana nû ya hevpar ava dike. Yek ji cihên ku em jê îlhamê digirin Rojava ye. Em weke alternatîf bi Rêya Sêyemîn derketin rê.”

	&nbsp;

	Piştî beşa pirs û bersivan serdan bi dawî bû.&nbsp;

	&nbsp;

	Şande dê sibê jî li Amedê serdanên xwe bidomîne. Şandeya ku dê 15’ê kanûnê vegere Stenbolê dê têkildarî serdanên xwe li vir civîneke çapemeniyê li dar bixe.&nbsp;

	&nbsp;

	&nbsp;