
‘Bila 3’yê Tebaxê bibe Li Hemberî Qirkirin û Jenosîda Jinan Roja Çalakiya Navneteweyî’ 

2024-08-03 11:54:52


	&nbsp;

	ENQERE - Meclisa Jinan a DEM Partiyê têkildarî Komkujiya Şengalê daxuyanî da û xwest ku 3’yê Tebaxê weke “Roja Li Hemberî Qirkirin û Jenosîda Jinan Roja Çalakiya Navneteweyî” were ragihandin.&nbsp;

	&nbsp;

	Meclisa Jinan a Partiya Wekhevî û Demokrasiyê ya Gelan (DEM Partî) bi boneya 10’emîn salvegera Komkujiya Şengalê ya 3’yê Tebaxa 2014’an daxuyaniyeke nivîskî weşand. Daxuyanî bi sernavê “Bila 3’yê Tebaxê weke Roja Li Hemberî Qirkirin û Jenosîda Jinan Roja Çalakiya Navneteweyî were ragihandin” hate weşandin. Di daxuyaniyê de hat gotin ku jin, li hemberî êrişên qirkirinê yên DAIŞ’ê têkoşîna “jiyana nû” didin.&nbsp;

	&nbsp;

	Di daxuyaniyê de wiha hate gotin: “10 sal bi ser qirkirin û jenosîda jinan a ku çeteyên DAIŞ’ê di 3’yê Tebaxa 2014’an de li Şengalê li dijî êzîdiyan pêk anî re derbas bûn. Di encama êrişên çeteyên DAIŞ’ê de bi hezaran jin û zarok hatin qetilkirin û 6 hezar jin û zarok hatin dîlgirtin û 400 hezar êzidî bi darê zorê hatin koçberkirin. Aqûbeta bi hezaran jinan hê jî nayê zanîn. Her wiha li dijî jinên êzidî destdirêjî hatiye kirin û jin di bazarên koleyan de hatine firotin û bi darê zorê baweriyên wan hatine guherandin.

	&nbsp;

	Tevî hemû polîtîkayên qirkirinê jî jinan îro jî li Şengalê li hemberî êrişên li dijî jiyan û qadên jiyana wan xweparastina xwe pêş xistine û li dijî êrişên berdewam li ber xwe didin. Em vê yekê baş dizanin ku; hêzên ku îro li hemberî şengalê êrişan pêk tînin û hêzên ku êrişî Bakur û Rojhilatê Sûriyeyê û Herêma Kurdistanê dikin, yek in. Û armanca wan hêzan ya hevpar destkeftiyên gelê kurd û têkoşîna jinan a li Rojhilata Navîn e. Têkoşîna jinên êzîdî mezintirîn delîla vê yekê ye.

	&nbsp;

	Binesaziyên Neteweyên Yekbûyî (NY) jî di nav de divê weke DYA, Kanada, Avûstralya, Îrlanda, Portekîz, Elmanya, Hollanda, Brîtanya, Belçîka, Keyaniya Yekbûyî û Parlamentoya Ewropayê ji aliyê Tirkiyeyê ve jî qirkirina ku di 3’yê Tebaxa 2014’an de ji aliyê çeteyên DAIŞ’ê ve li Şengalên hatî pêkanîn, weke komkujiyê were qebûlkirin.

	&nbsp;

	Girêdayî van yekan em bang dikin ku bila 3’yê Tebaxê ‘Li Hemberî Qirkirin û Jenosîda Jinan Roja Çalakiya Navneteweyî’ were îlankirin. &nbsp;Bi baweriya ji têkoşîna me ya azadiyê ya jinan re em têkoşîna jinên êzidî ya ku ji hemû jinên cîhanê re bûye mînak silav dikin.”

	&nbsp;