
'Saziyên jinan kirin qurbanê KADEM'ê'

2017-09-23 16:10:33


	&nbsp;

	ÎZMÎR – Parêzer Bîrgul Degîrmencî di 5’emîn Komcivîna Jinan a Herêma Îzmîrê ya TMMOB’ê de diyar kir ku hikûmetê ji bo KADEM’ê birêxistin bike, saziyan jinan girtin. &nbsp;

	&nbsp;

	Yekitiya Odeya Endezyar û Mîmarên Tirkiyeyê (TMMOB) 5’emîn Komcivîna Jinan a Herêma Îzmîrê bi şîara “Em di OHAL’ê &nbsp;de jî jin in” li Navenda Mîmarên Îzmîrê li darxist. Jinên Hevparên TMMOB, Seroka Şaxa Odeya Tekstîlê ya Endezyaran a Îzmîrê Esen Leyla Îmren tevli civînê bûn. Piştî axaftina vekirina komcivînê ya Esen Leyla Îmren, Sekretara Koma Xebatkarên Jin a ÎKK a TMMOB a Îzmîrê Dîlek Karabulut pêşkêşî kir.&nbsp;

	&nbsp;

	Karabulut diyar kir ku berê OHAL’ê jin dinava baxçeyên gulan de nedijîn û wiha axivî: “Bi îlankirina OHAL’ê re zextên li ser jinan zêdetir bûn. Hîn zêdetir jin hatin derpkirin û girtin. Wisan bû ku êdî me nekarî cenazeyên xwe jî defin bikin. Ajnasên me hatin girtin. Astengiyên li dijî tecawîz û tacîzan hatin rakirin. Jiyana jinên penaber ji destên wan hatin girtin.”

	&nbsp;

	‘DIVÊ JIN HUNERÊN XWE PARVE BIKIN’

	&nbsp;

	Prof. Dr. Melek Goregenlî jî diyar kir ku salek zehmet li benda jinaye û wiha axivî: “Bi OHAL’ê re şert û mercên jiyana jinan hîn zehmetir bûn. Heta niha tu OHAL’an evqas jiyana jinan bandor nekiriye. Çardin dixwazin jin ji nedîtive bên dîtin. Li dijî heman dijminî divê em têbikoşin.”&nbsp;

	&nbsp;

	‘JI BO KADEM’Ê SAZIYÊN JINAN GIRTIN’

	&nbsp;

	Parêzer Bîrgûn Degirmencî di rûniştina komcivîna ya duyemîn de axivî û wiha got: “Darbeya 12’ê Îlonê û ya 15’ê Tîrmehê dişibin hev. Di pêvajoya OHAL’ê de gelek sazî û dezgehên jinan hatin girtin. Desthilatdariyê bigirtinên saziyên jinan, xwest modela jina ku dixwaze avabike, derxwîne holê. Bi girtinên saziyên jinan xwest rêxistinbûyîna KADEM’ê avabike.” Degîrmencî bal kişand ser yekitiya jinan û wiha dawî li axaftina xwe anî: “Pêwîstî bi avakirina meclisa jinan heye.”

	&nbsp;

	Piştî axaftinan jinan yek bi yek mafê axaftinê girtin û pêşniyarên xwe peşkeş kirin. Bi dehan jinên ku di komcivînê de axivin, diyar kirin ku pêwîstî bi têkoşînek hevpar a jinan heye.&nbsp;

	&nbsp;

	Encamnameya komcivînê dê di rojên bên de bê aşkera kirin.&nbsp;

	&nbsp;

	&nbsp;