
Ji niha ve jin barê zivistanê hildigirin

2017-10-29 09:46:54


	WAN - Li Taxa Xumar a navçeya Şaxê jinên ku ji niha ve amadekariyên zivistanê dikin, li Çiyayê Sukut û Newala Şaxê bi dasê darên hişk jêdikin û kom dikin.&nbsp;

	Li Taxa Xumar a navçeya Şax a Wanê, darên ku dê ji bo zivîstanê bên şewitandin ji niha ve hatin komkirin. Jinên ku serê sibê radibin û dest bi kar dikin, diçin Çiyayê Sukut û Newala Şaxê yên 4 kîlometre dûrî navçeyê ne û bi dasan darên hişk jê dikin. Jin darên jê dikin li ser hev kom dikin, li ser pişta kerê girê didin û berê xwe didin malê. Hin jin jî daran didin pişta xwe. Jinên ku hêdî hêdî bêhna xwe vedidin û çiya derbas dikin, gelek caran di 2 saetan de digihin malê. &nbsp;

	&nbsp;

	DARÊN HIŞK DIBIRIN

	&nbsp;

	Gulîstan Akdag a 65 salî ligel barê xwe yê giran, hevsarê kera barkirî jî kiriye destê xwe û dimeşe. Akdag da zanîn ku komkirina daran zor e, lê ew hez ji vî karî dike û wiha axivî: “Ji bo em darên hişk bibînin bi saetan em digerin. Heya befir bibare, em ê karê komkirina daran bidomînin.”&nbsp;

	&nbsp;

	&nbsp;HER SAL JIN VÎ KARÎ DIKIN&nbsp;

	&nbsp;

	Sabîha Yabî ya 58 salî ku xwe ji Çiyayê Sukut berdide xwarê jî, diyar kir ku her jin vî karî dikin.&nbsp;

	&nbsp;

	MA / Mujdat Can

	&nbsp;