
‘Em qêrîna jinan bê xwedî nehêlin’

2017-12-20 15:50:12


	ÎZMÎR - Li navçeya Bornovayê hevalên Zulal Tutuncu ya ji aliyê Gunhan Ozturk ve hat kuştin, bertek nîşanî kuştinên jinan dan û wiha gotin: “Em ê qêrîna jinan bê xwedî nehêlin.”&nbsp;

	Hevalên Zulal Tutuncu ya li navçeya Bornova ya &nbsp;Îzmîrê di 18’ê Kanûn de, ji aliyê Gunhan Ozturk ve hat kuştin, li pêş Fakulteya Wêje û Zimanê Tirkî ya Zanîngeha Egeyê daxuyanî dan. Di çalakiyê de dovîza “Kuştinên jinan polîtîkin” û pankarta “Hûn nikarin kuştinên jinan meşrû bikin” vekirin. Personelên ewlekariya zanîngehê destûr nedan hevalên Tutuncu ku li ber zanîngehê daxuyanî bi din. Piştî gengeşiyek kurt, dûre daxuyanî hat dayîn. &nbsp;&nbsp;

	&nbsp;

	'ÊDÎ EMÊ BÊ DENG NEMÎNIN’&nbsp;

	&nbsp;

	Li ser navê xwendekaran Ezgî Yavuz daxuyanî da û diyar kir ku ji vir û şûn de bibin dengê hemû jinan. Yavuz, anî ziman ku dengê qêrîna jinên hatin kuştin û îşkence kirin di guhên wan de deng didin. Yavuz, dest nîşan kir ku ewê dengê qêrîna jinan bê xwedî nehêlin û wiha bi dawî kir: “Pêdiviya jinan bi erdnigariyeke ku jin karibin li ser vîn û ramanên xwe bînin ziman heye. Di civakê de ya ne guherî tundiya liser jinê ye. Divê kujer bên cezakirin ku pêşiya tundiya jinan bê girtin. Em ê qêrîna jinên hatin qetilkirin bê xwedî nehêlin. Em bêdeng nemînin û rabin ser piyan.”&nbsp;

	&nbsp;

	Çalakî bi berz kirina dirûşmeyan bi dawî bû.&nbsp;

	&nbsp;