DERSIM – Derbarê 15 jinên endamê Platforma Jinan a Dersimê ku tacîzê şermezar kiribûn de lêpirsîn hat destpêkirin. 

 

Di 6’ê mijdarê de Platforma Jinan a Dersimê, xwestibû têkildarî bûyera tacîzê ya li kargehekê li dijî jinekê pêk hatibû çalakiyeke şermezarkirinê li dar bixe, lê polisan destûr nedabû û çalakiyê asteng kiribûn. Bi hinceta ku şertê mesafeya civakî bin pê kirine 3 hezar û 150 TL cezayê pere li 15 jinan hatibû birîn. 

 

Piştî birîna cezayê pere, Serdozgeriya Komarê ya Dersimê derbarê 15 jinan de bi hinceta “Berxwedana li Hemberî Polisan” û “Qedexeya Çalakiyan a Walîtiya Dersimê” lêpirsîn da destpêkirin. Miduriyeta Polisan a Dersimê di çarçoveya lêpirsînê de li her pazdeh jinan geriya û xwest ku biçin miduriyetê gotin bidin.