
Cîgira Şaredarê Beykozê Fîdan Gul hate girtin 

2025-04-16 16:10:09


	&nbsp;

	STENBOL - Cîgira Şaredarê Beykozê Fîdan Gul ku di çarçoveya lêpirsîna “di îhaleyê de hîle kiriye” hatibû binçavkirin, hate girtin.&nbsp;

	&nbsp;

	Şaredarê Beykoza Stenbolê Alaattîn Koseler û 12 kesên din di çarçoveya lêpirsîna Serdozgeriya Komarê ya Beykozê ya bi îdiayên “Di îhaleyê de hîle kirine” û “ji bo sûc bikin rêxistin ava kirine, endamtiya rêxistinê û alîkarî daye rêxistinê” de hatibûn girtin. Lêpirsîna hatiye destpêkirin didome. Cîgira Şaredarê Beykozê Fîdan Gul jî duh di çarçoveya lêpirsînê de hate binçavkirin û piştî karûbarên li Midûriyeta Şaxa Têkoşîna li Dijî Sûcên Darayî ya Midûriyeta Emniyetê ya Stenbolê sewqî Edliyeya Beykozê hate kirin.&nbsp;

	&nbsp;

	Fîdan Gul, piştî îfadeya dozgeriyê bi îdiaya “di îhaleyê de hîle kiriye” û bi daxwaza girtinê sewqî Dadgeriya Cezayên Sulhê ya Nobedar hate kirin. Dadgehê jî bi heman tawanbariyê biryara girtinê da.&nbsp;

	&nbsp;