
HDP di 8’ê sibatê de wê bêje ‘Ji Bo Her Kesî Edalet’  

2021-02-05 10:10:46


	ENQERE – HDP di 8’ê sibatê de kampanya bernameyek naverokek tije dide destpêkirin û dirûşma sereke ya kampanyayê jî wek “Ji Bo Her Kesî Edalet” hat diyarkirin. Hevserokên Giştî yên HDP’ê dê bernameyê eşkere bikin.&nbsp;

	&nbsp;

	Partiya Demokratîk a Gelan (HDP) kampanyayek nû dide destpêkirin û dê di 8’ê sibatê de bi raya giştî re parve bike. HDP wê vê bernameyê li Enqereyê eşkere bike û ev demek e ji bo amadekirina bernameyê xebat dihatin kirin. Amadekariyên kampanyayê berdewam in û dirûşma sereke ya kampanyayê jî wek “Ji Bo Her Kesî Edalet” hat diyarkirin.&nbsp;

	&nbsp;

	HDP dê bi vê dirûşma “Ji Bo Her Kesî Edalet” derkeve qadan û derbarê kêşeyên li Tirkiyê dê perspektîfa çareseriyê ya partiya xwe eşkere bike. Deklarasyona hatiye amadekirin dê ji aliyê Hevserokên Giştî yên HDP’ê Pervîn Bûldan û Mîthat Sancar ve were xwendin.

	&nbsp;

	Wê pêkhateyên HDP’ê hemû di bernameyê de cih bigirin û hevserok, hevberdevk û rêveberên HDK, KCD, siyasetmedarên navdar ên kurd Ahmet Turk, Sirri Sakik beşdarî bernameyê bibin. HDP’ê gelek rewşenbîr, nivîskar, akademîsyen, hunermend û rojnamevan jî vexwend bernameyê.&nbsp;

	&nbsp;

	Hat zanîn ku HDP’ê, hunermendê navdar ê sînemayê Kadîr Înanir jî vexwendiye bernameya xwe. Hat zanîn ku ji ber pandemiyê dê Înanir beşdarî bernameyê bibe an na bersivek nedaye HDP’ê.&nbsp;

	&nbsp;

	Di bernameya were lidarxistin de li gorî dirûşma kampanyayê dê klîbên bi temaya “edalet” ku hunermendan bi armanca piştevaniyê amade kiriye jî werin pêşandan.

	&nbsp;

	&nbsp;