
‘Hikûmet fatûreya şer li gelê xizan dibire’

2017-10-10 09:26:22


	STENBOL – Alîgirê Hevserokatiya Giştî ya HDP’ê û aborîzan Sezaî Temellî, anî ziman ku ji bo kirîna çekan û kêmasiya budçeyê ji holê bê rakirin îktîdar difikire ku di sala 2018’an de zemên OTV û MTV’ê bîne. Temellî, dest nîşan kir ku hikûmet fatûreya şer li gelê xizan dibire.&nbsp;

	Îktîdarê daxuyand ku ew dixwazin Baca Wesayîtên Bimotor (MTV) û Baca Mezêxiya Taybet (OTV) ji sedî 40 zem bikin. Lê belê, piştî vê daxuyaniyê ji her derdorên raya giştî bertek hatin dayîn û hîn jî tên dayîn. Alîgirê Hevserokatiya Giştî ya HDP’ê û aborîzan Sezaî Temellî, diyar kir ku zem jî nîşan didin ku ka îktîdar çi qas tengijiye. Temellî wiha got: “A rast îktîdar, ji hêlekê ji bo ji finansmana rejîma nû çavkaniyê bibîne û ji hêlekê jî ji bo ji sermayeye re karekî bilind dabîn bike, li hemberî fonên ku mafên gel in dest bi xespê kiriye.”&nbsp;

	&nbsp;

	'ÎKTÎDAR DIXWAZE TEMENÊ REJÎMÊ DIRÊJ BIKE’&nbsp;

	&nbsp;

	Temellî wiha got: “Hemû danberheviyên Tirkiyeyê di bin banê foneke heyînî de hatin komkirin û ji bo bazarkirina vê yekê gav hatin avêtin. Salek şûnde me dît ku di fona heyînan de tu serketin bi dest neketin. Niha jî kêmasiya budçeyê zêde bû û dixwazin bi vê kêmasiya budçeyê temenê rejîmê dirêj bikin û ji bo di hilbijartinê de bi ser kevin hin gavan davêjin. Gaveke girîng a vê pêngavê jî, ew e ku me di qanûna torbeyî de jî dît ku dixwazin vê yekê bi zêdekirina bacan pêk bînin. &nbsp;Bi qezenca zêdekirina bacan dixwazin barê budçeyê sivik bikin. Di heman demê de hem dixwazin şer finanse dikin da di hundur de dengên konfîgurasiyona netewperest-muhafazakar wergirin û hem jî dixwazin qezenca sermayeye bidomînin.”&nbsp;

	&nbsp;

	Her wiha Temellî dest nîşan kir ku bacên ku hikûmet kom bike dê di bin navê “fona pîşesaziyê ya parastinê” de , di qada kirin û hilberîna çekan de çavkaniyekê çê bike û bi vî awayî hewl didin ku civakê bikin alîgirê şer.&nbsp;

	&nbsp;

	'DÊ BARÊ ŞER LI SER PIŞTA GELÊ XIZAN BÊ KIRIN’&nbsp;

	&nbsp;

	Herî dawî Temellî wiha got: “Ev xerckirinên ku di tetbîqata şerî de tên kirin û giraniya ku li budçeyê dike, li tu derî nayê nîqaşkirin. A rast ji bo fînansekirina tetbîqata li wir jî pêdivî bi bacên pêvekî heye. Li Tirkiyeyê pergaleke bêedalet a bacê heye. Fatûreya şer li gelê xizan tê birîn. Êdî dawiya vê rêveçûyînê diyar bûye. Çîrokeke hezîn li benda vê îktîdarê ye.”&nbsp;