
DBP amadekariyên konferanseke mezin dike

2023-10-26 09:02:46


	&nbsp;

	AMED - DBP dê beriya 7'emîn Kongreya Awarte di 5'ê mijdarê de li Amedê bi beşdarbûna bi hezaran kesî konferansekê li dar bixe.&nbsp;

	&nbsp;

	Partiya Herêmên Demokratîk (DBP), di sala 2019'an de biryara "biçûkbûnê" girtibû. Lê belê di Kongreya Awarte ya 2022'yan de biryareke nû girtibû û careke din li gelek bajaran xwe bi rêxistin kir. Piştî vê biryarê DBP'ê li Riha, Şirnex, Êlih, Sêrt, Semsûr, Çewlik, Dêrsim, Mûş, Agîri, Îdir, Erzirom û Colemêrgê car din xwe bi rêxistin kir. DBP, dê di 12'ê mijdarê de li Enqereyê 7'emîn Kongreya Awarte li dar bixe.&nbsp;

	&nbsp;

	BERIYA KONGREYÊ KONFERANS

	&nbsp;

	DBP, dê beriya kongreyê di 5'ê mijdarê de li Amedê konferanseke giştî li dar bixe. Ji bo ji Kurdistan û Tirkiyeyê bi hezaran kes tev li konferansê bibin, xebat hatin destpêkirin. Konferans dê bi dirûşma "Bi civaka rexistinkirî ber bi jiyana azad" bê lidarxistin. Tê payin ku dirûşma kongreyê û ya konferansê yek be.&nbsp;

	&nbsp;

	NEXŞERÊ

	&nbsp;

	Di konferansa li Amedê de dê nexşerêya serdema nû ya partiyê were ragihandin. Hat zanîn ku mijara esasî ya nexşereyê dê tecrîda girankirî ya li ser Rêberê PKK'ê Abdullah Ocalan be. &nbsp;

	&nbsp;

	DÊ NAMZETÊN HEVSEROKATIYA GIŞTÎ BÊN EŞKEREKIRIN

	&nbsp;

	Her wiha dê di konferansê de namzetên Hevserokatiya Giştî û rêveberiya nû ya partiyê bên eşkerekirin. Hat destnîşankirin ku dê hevserokên giştî biguherin û di rêveberiyê de jî guherînên girîng pêk bên.&nbsp;

	&nbsp;

	Hat hînkirin ku dê tenê delege tevlî kongreyê bibin.&nbsp;

	&nbsp;

	MA / Mujdat Can&nbsp;

	&nbsp;

	&nbsp;