
Li 9 bajarên Serhedê 58 hezar û 945 hilbijêr hatine veguhestin

2024-01-22 09:10:38


	&nbsp;

	WAN - Li bajarên Serhedê ku AKP di hilbijartinan de encama dixwaze bi dest naxe, di 9 mehên dawî de 58 hezar û 945 deng hatin veguhestin.&nbsp;

	&nbsp;

	Pêvajoya diyarkirina namzetên partiyên siyasî ya ji bo Hilbijartinên Herêmî yên 31’ê Adara 2024’an ku rêveberiyên herêmî dê bên diyarkirin, didome. Bi daliqandina lîsteyên hilbijêran a ji aliyê mûxtariyetan ve derket holê ku bi hezaran dengdêr veguhestine bajarên Kurdistanê. Desthilata AKP’ê ku di hilbijartinan de encama dixwaze bi dest naxe, bi hezaran leşker û polîs weke hilbijêr veguhestin bajaran.&nbsp;

	&nbsp;

	Li herêma Serhedê jî li bajarên Wan, Agirî, Bedlîs, Mûş, Qers, Îdir, Erdexan û Colemêrgê bi hezaran hilbijêr hatine veguhestin. Komîsyona Rêveberiyên Herêmî yên Partiya Wekhevî û Demokrasiyê ya Gelan (DEM Partî) di rapora têkildarî liv û tevgera hilbijêran a herêma Serhedê amade kir de hate tespîtkirin ku di 9 mehên dawî de 58 hezar û 945 hilbijêr hatine tespîtkirin.&nbsp;

	&nbsp;

	Di Hilbijartinên Giştî yên 14’ê Gulana 2023’yan de li bajarên Serhedê 2 milyon û 270 hezar û 702 hilbijêr hebûn, ev hejmar beriya hilbijartinên 31’ê Adara 2024’an derket 2 milyon û 329 hezar û 647’an.&nbsp;

	&nbsp;

	ÎDIR

	&nbsp;

	Partiya Wekhevî û Demokrasiyê ya Gelan (HDP) di Hilbijartinên Herêmî de Şaredariya Îdirê bi hezar û 514 dengan qezenc kir. Piştî hilbijartinên giştî yên 14’ê Gulana 2023’yan 4 hezar û 361 hilbijêr anîn navenda Îdirê û li gelemperiyê bajêr liv û tevgereke 5 hezar û 424 hilbijêran çêbû. 932 kesên ne ji Îdirê ne, veguhestin taxên navçeya Başanê. Derket holê ku gelek ji van hilbijêrên hatine veguhestin leşker û polîs in.

	&nbsp;

	AGIRÎ

	&nbsp;

	Li Agiriyê li Hilbijartinên Giştî yên 14’ê Gulanê de 307 hezar û 135 hilbijêr hebûn, ev hejmar derket 316 hezar û 537’an. Li bajarê ku 9 hezar û 402 hilbijêr hatin veguhestin, hezar kes li avahiyekê hatine qeydkirin. Avahiya ku li ser Cadeya General Vehbî Engîn a li Taxa Leylek Pinarê ye û weke avahiya hêzên ewlehiyê tê bikaranîn, hezar û 923 kes hatine qeydkirin. Li navnîşana bi Hejmara: 121/3 ya li ser Cadeya Yaşar Kemal a li Taxa Firatê weke mêvanxaneya peywîrdarên cemaweriyê tê bikaranîn jî hezar û 221 kes hatin veguhestin.&nbsp;

	&nbsp;

	Li navnîşana bi hejmara: 25 a li ser Cadeya Atalay a Taxa Firatê ku weke avahiya hêzên ewlehiyê tê bikaranîn di 14’ê gulanê de hilbijêrek hebû, di nava 9 mehan de 987 kes weke “hilbijêr” hatin qeydkirin. Li navnîşana bi hejmara 141 a li ser Cadeya Çevre Yolû ya Taxa Firatê ye û Mala Polîsan e di hilbijartinên 14’ ê Gulana 2023’yan de qeyda 5 hilbijêran hebû, beriya 31’ê Adarê 287 kes hatin qeydkirin. Li navnîşana bi hejmara: 105/A ya li ser Cadeya Yaşar Kemal a Taxa Firatê ku mevanxaneya Îdareya Taybet a Bajêr e, di hilbijartinên Gulana 2023’yan de tenê 4 hilbijêr qeydkirî bûn, derket holê ku beriya 31’ê Adarê 182 hilbijêr hatine qeydkirin.&nbsp;

	&nbsp;

	Piştî hilbijartinên giştî yên 14’ê Gulana 2023’yan ji bajarên cuda bi komî 7 hezar û 104 hilbijêr veguhestin navenda Agiriyê. Hate zanîn ku ji van 5 hezar û 786 kes ji derveyî Agiriyê hatine veguhestin û ji van tenê hezar û 318 ji navçeya Bazîdê ne. 455 kesên di hilbijartina 14’ê Gulana 2023’yan de hilbijêrên derveyî welat bûn, di hilbijartinên herêmî de weke hilbijêrên nava welat hatin guhertin.&nbsp;

	&nbsp;

	AVKEVIR

	&nbsp;

	Li avahiyeke ku li Taxa Hurriyetê ya navçeya Avkevirê ya girêdayî Mala Mêvanan a Qeymeqamtiyê ye, 201 hilbijêr hatine qeydkirin.

	&nbsp;

	ERZIROM

	&nbsp;

	Hejmara hilbijêrên li bajarê Erziromê, ku di Hilbijartinên Giştî yên 14’ê Gulanê de 218 hezar 451 bû, beriya hilbijartinên herêmî derket 220 hezar 276 kesî.

	&nbsp;

	QEREÇOBAN

	&nbsp;

	Li navnîşana bi hejmara: 14 a Cadeya Gunduz a li Taxa Hacilar a navçeya Qereçobanê ku avahiya cemaweriyê ya artêşa tirk e hejmara hilbijêran a 3 kes in, derket 257 kesî.&nbsp;

	&nbsp;

	COLEMÊRG&nbsp;

	&nbsp;

	Di hilbijartinên giştî yên 14’ê Gulanê de hejmara hilbijêrên li Colemêrgê ji 186 hezar û 492’an derket 197 hezar û 324’an. Li Colemêrg û navçeyên wê di neh mehên dawî de 10 hezar û 832 hilbijêr hatin veguhestin.&nbsp;

	&nbsp;

	ÇELÊ

	&nbsp;

	Li navçeya Çelê jî; li navnîşanên bi hejmarên 6/1, 6/2 û 6/3 yên li kolana Yenîyol a Taxa Yeşîl Çeşmeyê, 3 hezar û 602 kesên derveyî bajêr hatine anîn weke “hilbijêr” hatine qeydkirin. Derket holê ku 2 hezar û 699 hilbijêrên li Taxa Emîr Şabanê ne ji van tenê hezar û 238 hilbijêr li nifûsa Colemêrgê qeydkirî ne.&nbsp;

	&nbsp;

	Li navçeyê di hilbijartinên 14’ê Gulanê de hezar û 594 kesên ku weke hilbijêrên li derveyî welat hatin qeydkirin, weke 2 hezar û 24 hilbijêrên nava welat hatin qeydkirin.

	&nbsp;

	ŞEMZÎNAN

	&nbsp;

	Li Şemzînanê, ku AKP’ê di hilbijartinên herêmî yên 2019’an de bi 154 dengan ferqêw ya bi “veguhastina hilbijêran” bi dest xist, li malên Malên Komî yên herêma leşkerî yên li Taxa Modayê ne, 2 hezar û 207 kesên ku hemû mêr in, weke “hilbijêr” hatin nîşandan. 892 kesên di hilbijartinên giştî yên 14’ê Gulana 2023’yan de weke hilbijêrên derveyî welat hatine qeydkirin, weke 2 hezar û 24 hilbijêrên nava welat hatin qeydkirin.&nbsp;

	&nbsp;

	BAJÊRGEH

	&nbsp;

	Bi veguhestina leşker û polîsan a bajarokê Bajêrgehê &nbsp;weke &nbsp;“hilbijêrên veguhestî” re rêjeya nifûsê ya Colemêrgiyên li bajarok daket ji sedî 48’an. Hejmara hilbijêran a bi komî ya Bajêrgehê 3 hezar û 541 e, hezar û 517 leşker û polîsên ku temamê wan ji zilaman pêk tên veguhestin Malên Komî.&nbsp;

	&nbsp;

	QERS

	&nbsp;

	Li Qersê ku HDP di hilbijartinên herêmî yên di sala 2019’an de hezar û 238 ferqan qezenc kir, li gorî qeydên fermî li navnîşana bi hejmara: 50/2 ya Cadeya Şehît Yûsûfbey a Taxa Cûmhûriyetê ya Mala Artêşê ye, hejmara hilbijêran a di hilbijartinên giştî yên 14’ê Gulanê de 13 bû, di nava 9 mehan de bû 3 hezar û 5. Dîsa li Taxa Gazî Ahmet Mûhtar Paşa ku di pergala lêkolînkirinê de weke mevanxaneya hêzên çevîkê tê dîtin, hejmara hilbijêran a neyî derketiye 498’an. Hate tespîtkirin ku ji van 185 li nifûsa Trabzonê qeydkirîne. Li navnîşana bi hejmara 1/15’an a Malên Komî yên Fermandariya Cendermeyan a Bajêr a li Taxa Fevzî Çakmakê hejmara hilbijêran a yek bû, derketiye 503’yan.&nbsp;

	&nbsp;

	MÛŞ

	&nbsp;

	Li navçeya Milazgir a Mûşê ku AKP’ê di hilbijartinên herêmî yên 2019’an de AKP’ê bi 3 dengan qezenc kir, di nava 6 mehan de 569 leşker û polîs weke hilbijêr hatin veguhestin. Li navnîşana bi hejmara: 4/4 a Cadeya Agirî ya Taxa Menguçgazî ya temamê wan ji bajarên derdorê hatine anîn 149 kes weke “hilbijêr” hatine qeydkirin. Li navnîşana bi nimreya: 4 D: 1’ê ya li ser Cadeya Agirî ya Taxa Menguçgazî jî 129 kesên ne ji Mûşê ne hatine veguhestin. Li 3 navnîşanên din ên li ser cadeya Agiriyê bi komî 65 kes hatin veguhestin.&nbsp;

	&nbsp;

	Li navnîşana bi hejmara: 2/4’an a kolana 835 a taxa Selçûklû 122 kes, li navnîşana bi hejmara 2/5’an &nbsp;jî 104 kes weke “hilbijêr” hatin qeydkirin.&nbsp;

	&nbsp;

	WAN

	&nbsp;

	Li Wanê di hilbijartinên giştî yên 14’ê gulanê de 707 hezar û 454 kes weke hilbijêr hebûn, ev hejmar di nava 9 mehan de bû 718 hezar û 277’an. Li Wan û navçeyên wê bi komî 10 hezar û 823 kes weke hilbijêr hatine veguhestin.&nbsp;

	&nbsp;

	ERDEXAN

	&nbsp;

	Li Erdexanê di hilbijartinên giştî yên 14’ê Gulanê de hejmara hilbijêran a 68 hezar û 108 bû beriya hilbijartinê derket 69 hezar û 185’an. Li Erdexan û navçeyên wê bi komî hezar û 77 kes hatin veguhestin.&nbsp;

	&nbsp;

	BEDLÎS

	&nbsp;

	Li Bedlisê di hilbijartinên giştî yên 14’ê Gulanê de hejmara hilbijêran a 220 hezar û 906, derket 227 hezar û 705’an. Li Bedlis û navçeyên wan di 9 mehên dawî de 6 hezar û 799 kes weke “hilbijêr” hatin veguhestin.&nbsp;

	&nbsp;

	MA / Hakan Yalçin

	&nbsp;