
Şandeya DEM Partiyê li Awûstûryayê ye 

2024-05-15 14:58:17


	&nbsp;

	ENQERE - DEM Partî ji bo ji bo hevdîtinan çû Awûstûryayê û têkildarî tecrîda mutleq a li ser Rêberê PKK’ê Abdullah Ocalan û çareseriya pirsgirêka kurd a bi rêyên demokratîk agahî parve kir.&nbsp;

	&nbsp;

	Şandeyeke Partiya Wekhevî û Demokrasiyê ya Gelan (DEM Partî) ku Parlamenterê Antalyayê Saruhan Oluç, Parlamentera Wanê Gulcan Kaçmaz Sayyîgît jî di nav de bûn, di navbera 12 û 15’ê gulanê de li Awûstûryayê çendek hevdîtinên dîplomatîk kirin.&nbsp;

	&nbsp;

	Di çarçoveya serdanê de şandeya DEM Partiyê bi Parlamentoya Eyaleta Viyanayê, Berdevka Mafên Mirovan a Partiya Keskan Bêrîvan Aslan, Parlamenterê SPO’yê yê Parlamentoya Awûstûryayê û Berdevkê Mafên Mirovan Harald Troch, Parlamentera SPO’yê û Seroka Koma Dostaniyê ya Awûstûrya-Tirkiyeyê Selma Yildirim û Nûnerê SPO’yê yê Konseya Ewropayê û Raportorê Tirkiyeyê, Serokê Koma Federal Stefan Schennach re hevdîtin kir.&nbsp;

	&nbsp;

	Di hevdîtinan de li gel tecrîda mutleq û rewşa agahînegirtina mutleq a li ser Rêberê PKK’ê Abdullah Ocalan, her wiha têkildarî çareseriya pirsgirêka kurd a bi rêyên demokratîk, Doza Kobanê û pêwendiyên Tirkiye-Yekitiya Ewropayê (YE) jî hatin nîqaşkirin.&nbsp;

	&nbsp;