Hêzên kurd bi piştgiriya xwe ya îstixbaratî di kuştina Lîderê DAIŞ'ê Ebûbekîr Bagdadî de cihekî girîng girt. Serokê Amerîkayê Donald Trûmp vê giringiya kurdan a di operasyonê de bi vê gotinê "kurdên Sûriyeyê" anî ziman û ji ber piştgiriyê sipasiya Hêzên Sûriya Demokratîk (QSD) kir. Ev yek Tirkiyeyê aciz kir. Berdevkê Serokkomariyê Îbrahîm Kalin, têkildarî kuştina Bagdadî daxuyaniyek da û aciziya wan a ji ber paya YPG'ê ya di kuştinê de anî ziman. 

 

Kalin, diyar kir ku ew welatekî ku li dijî DAIŞ'ê têkoşiyane û wiha got: "Me bi hezaran DAIŞ'iyan li sînor da rawestandin û darizand. Dersînor kir û şand welatên ku jê hatibûn, bi xurtbûna vê rêxistine re me têkoşîneke micid da. Ev rêxistin belayek e, penceşêr e ku ketiye xwîna gelek misilmanan. Ji holê rakirina vê bîrdoziya sexte, mijareke ku Tirkiye jî piştgirî dayê." Kalin di berdewamê de jî destnîşan kir ku kuştina Bagdadî destkeftiyeke girîng e û ev tişt anî ziman: "Pêşveçûneke ku biryardariya têkoşîna li dijî terorê nîşan dide. Lê hewldaneke derxistina krediyê ya ji YPG'ê re û paye dan wan a di vê operasyonê de heye. Em vê yekê dibînin. Divê li dijî vana herkes baldartir be."

 

SERDANA BARZANÎ

 

Kalin agahiyên têkildarî rola Tirkiyeyê ya di operasyonê de ku rayedaran diyar kiribû dubare û têkildarî serdana Serokwezîre Herêma Federe ya Kurdistanê Mesrûr Barzanî ya Tirkiyeyê de jî ev agahî dan: "Ziyaret tê plankirin. Niha têkildarî hevdîtinê nikarim piştrastkirinê bidim. Di rastiyê de gelek beriya niha hatibû plankirin. Têkildarî geşedana dawîn nîne."