
Meşvanên Azadiyê tu astengî nas nekirin û xwe gihandin Gemlîkê 

2023-11-19 15:43:21


	&nbsp;

	BURSA - Tevî binçavkirin, dorpêç û rewşa xerab a hewayî jî Meşvanên Azadiyê xwe gihandin Gemlîkê û daxwaza azadiya fîzîkî ya Abdullah Ocalan kirin.&nbsp;

	&nbsp;

	&nbsp;

	Meşa Azadiyê ya ku bi daxwaza azadiya fîzîkî ya Rêberê PKK’ê Abdullah Ocalan ku li Girtîgeha Girtîgeha Tîpa F a bi Ewlekariya Bilind a Îmraliyê di bin şert û mercên giran ên tecrîdê de tê ragirtin û 32 meh in agahî jê nayên girtin û çareserkirina pirsgirêka kurd bi rêyên demokratîk duh hatibû destpêkirin, îro jî berdewam kir. Welatiyên ku duh û îro ji gelek bajarên Kurdistan û Tirkiyeyê bi rê ketibûn, tevî binçavkirin, dorpêça polîsan û rewşa nebaş a hewayî jî xwe gihandin Gemlîkê.&nbsp;

	&nbsp;

	15 KES HATIN BINÇAVKIRIN&nbsp;

	&nbsp;

	Îro li 39 navçeyên Stenbolê meş hate destpêkirin. Ji Kocaelî û Bursayê jî gelek welatiyan bi wesayîtên xwe berê xwe dan Gemlîkê. Polîsên ku Bursa û navçeyên wê dorpêç kiribûn, gelemperiya wesayîtan dan sekinandin. Tevî dorpêçê jî gelek welatiyan xwe gihandin Gemlîkê.&nbsp;

	&nbsp;

	Welatiyên ku destûr nehat dayîn bikevin Gemlîkê, li cihê lê hatibûn sekinandin dest bi gerandina govendê kirin û bi dirûşman astengkirin protesto kirin. Di çalakiyan de gelek caran dirûşmên “Hezar silav ji Îmraliyê re”, “Bê Serok jiyan nabe” û “Na ji tecrîdê re” hatin berzkirin.&nbsp;

	&nbsp;

	HATÎMOGÛLLARI LI GEMLÎKÊ BANG KIR&nbsp;

	&nbsp;

	Hevberdevkê HDK’ê Cengîz Çîçek, Hevseroka Giştî ya HEDEP’ê Tulay Hatîmogûllari û Hevserokê Giştî yê DBP’ê Keskîn Bayindir jî di nav de gelek kes li Gemlîkê gihiştin hev. Hevseroka Giştî ya HEDEP’ê Tulay Hatîmogûllari i vir daxuyanî da û got ku ji bo çareserkirina pirsgirêka kurd divê Rêberê PKK’ê Abdullah Ocalan ji hêla fîzîkî ve azad bibe.&nbsp;

	&nbsp;

	Tê payîn ku kesên hatine astengkirin û yên tev li daxuyaniyê bûn li noqteyeke cuda bên ba hev û daxuyaniyeke hevpar bidin.&nbsp;

	&nbsp;