Înîsiyatîf Ji Girtiyên Nexweş Re Azadî, di hefteya 317’emîn de, bi armanca balê bikişîne ser rewşa girtiyên nexweş li avahiya Şaxa Komeleya Mafên Mirovan a (ÎHD) ya Enqereyê civîna çapemeniyê li dar xist. Endama Desteya Rêvebera Navenda (ÎHD) Nûray Çevîrmen, vê heftê bal kişan ser rewşa girtiyên ji sedî 95 astengdar Zulfu Yildirim ê 66 salî yê li Girtîgeha Sergirtî ya Ewlekariya Bilind a Hejmara 1 a Xerpetê dimîne.

 

Çevîrmend, banga serbest berdana girtiyên nexweş kir û wiha got: “Li Girtîgeha Tîpa L a Antalyayê, girtiyekê nexweşê pençeşerê bi girtiyekê şewba vîrûsê ketiye re, di heman cihî de dimîn in.”

 

Çevîrmen, rewşa Zulfu Yildirim bibîr xist û wiha bilêv kir: “Hevalên Yildirimê yên qawîşên derbarê rewşa wî de nameyek şandin û diyar dikin ku Yildirim nikare di girtîgehê bimîne. Yildirim ji sedî 95 astengdare. Lê ji ber pêvajoya şewba vîrûsa koronayê Yildirim nayê derman kirin. Yildirim 66 saliye û divê tim dibin kontrolê de be. Hîna 2 sal cezayê girtîgehê yê Yildirim ma ye û nikare di girtîgehê de jiyana xwe dewam bike. Em derbarê rewşa wî de bi fikarin.  Ji ber ku nexweşiya wî girane û nikare di girtîgehê de bimîne, em daxwaz dikin ku infaza wî bê taloqkirin û li gel malbata xwe bê tedawîkirin.”