STENBOL - Parêzer, malbat û wasiyê Rêberê PKK'ê Abdullah Ocalan, bi daxwaza "hevdîtina lezgîn" carek din serî li Serdozgeriya Komarê ya Bûrsayê dan.

 

Parêzerên Rêberê PKK'ê Abdullah Ocalan, Faîk Ozgur Erol, Rezan Sarıca, Cengîz Yurekli û Serbay Koklu têkildarî îdiayên der barê tenduristî û ewlehiya muwekîlê wan de derketin holê, bi daxwaza "hevdîtina lezgîn" car din serî li Serdozgeriya Komarê ya Bûrsayê dan û xwestin biçim Îmraliyê. Parêzeran ji bo bi Omer Hayrî Konar, Veysî Aktaş û Hamîlî Yildirim re jî demildest hevdîtin bikin serî li dozgeriyê dan. 

 

JI BO MALBAT Û WASÎ SERLÊDAN

 

Parêzeran di heman demê de, ji bo ku birayê Abdullah Ocalan Mehmet Ocalan û wasiyê Ocalan Mazlum Dinç, birayê Omer Hayri Konar Ali Konar, birayê Hamîlî Yildirim Polat Yildirim û xwişka Veysi Aktaş Melihe Çetin biçin Îmraliyê û hevditin bikin jî, serlêdan kirin. Parêzerên Ocalan xwestin ku ev serlêdanên wan bi lezgînî bên nirxandin û tavilê bê qebûlkirin.

 

SERLÊDAN TÊN REDKIRIN

 

Parêzeran di daxwaznameyên dan de, dest nîşan kirin ku mabatan herî dawî di 3'ê Adara 2020'an de hevdîtin kiribûn, birayê Ocalan jî herî dawî di 27'ê Nîsana 2020'an de bi telefonê bi Ocalan re hevdîtin kiriye. Parêzaran, dan zanîn ku piştî van hevdîtina hemû serlêdanên wan bê bersiv hatine hiştin. 

 

PÊŞKETIN TUNE YE 

 

Parêzeran bal kişand ser rapora CPT'ê û xwest tecrîda demdirêj û giran, şertên girtîgeha Îmraliyê li ber çavan bên girtin û mafê hevdîtinê bê dayîn. Parêzeran herî dawî bibîr xistin ku di 14 adara 2021'an de li ser înternetê agahî û îdîayên hatin belavkirin, ew xistine nava fikaran û ji ber vê yekê xwest teqez û bi lezgîn parêzer û malbat biçin Îmraliyê û rûbirû hevditinê bikin.