ENQERE - Parêzer Mehmet Selîm Okçûoglû di Doza Sereke ya Mûsa Anter de axivî û bal kişand ser dosyeyê ku bi demborînê re rûbirû bihêlin û rêgeza darizandina adilane ya dema maqûl a PMME’yê hatiye binpêkirin.
Danişîna 30’yemîn a Doza Mûsa Anter a ku kirine yek, doza Ayten Ozturk û Doza Sereke ya JÎTEM’ê li 6’emîn Dadgeha Cezayê Giran a Enqereyê hat lidarxistin. Kurê Mûsa Anter, Dîcle Anter, parlamenterên HDP’ê Alî Kenanoglû û Şevîn Coşkûn, çavdêra şopandina Kiryar Diyar e ya Navenda Hafizayê parêzer Esra Kiliç beşdarî danişînê bûn. parêzerê malbata Anter, Mehmet Selîm Okçûoglû û parêzera Orhan Mîroglû Ayşe Eryilmaz û parêzerên aliyan di danişînê de amade bûn.
Piştî tespîta nasnameyan, ewraqên li dosyeyê hatine zêdekirin hatin xwendin. Hat dîtin ku ji bo îfadeyên Abdulkadîr Aygan ê wek bersûc tê zanîn û tê gotin ku li derveyî welat dijî were girtin nivîsa ku ji Wezareta Dadê re hatibû nivîsandin bêbersiv hatiye hiştin.
METIRSIYA DEMBORÎNÊ
Parêzerê malbata Anter, Mehmet Selîm Okçûoglû di danişînê de axivî û bal kişand ser talûkeya ku dosye bi demborînê re rûbirû bimîne û metirsiyan wan hene ku dosye bi demborînê re hevrû bimîne û dosyeya bûye yek piştî ji dosyeyên din were veqetandin li ser vê xisûsê were bi encamkirin. Okçûoglû anî ziman ku rêgeza darizandina adilane ya dema maqûl a Peymana Mafê Mirovan a Ewropayê (PMME) hatiye binpêkirin û piştî ku ev xisûs hemû li ber çavan werin girtin daxwaz dikin ku biryar were dayîn. Okçûoglû destnîşan kir ku ew dixwazin dosye ji hev werin cihêkirin.
Pişt re parêzerê bersûc Hamît Yildirim, Kaya Yelek jî axivî û xwest daxwaza ku dosye ji hev werin cihêkirin were redkirin û tedbîrên kontrola edlî ya derbarê bersûc Yildirim de were rakirin.
DAXWAZ HAT REDKIRIN
Şandeya dadgehê piştî beyanên parêzeran biryara xwe eşkere kir. Dadgehê xwest ji bo îfadeyên Abdulkadîr Aygan ji bo werin girtin dubare ji Wezareta Dadê re nivîs were nivîsandin û biryara girtinê ya derbarê Abdulkadîr Aygan, Mahmut Yildirim, Muhsîn Gul, Mehmet Zahîr Karadenîz, Fethî Çetîn de yên bersûc berdewam bike. Dadgehê daxwaza cihêkirina dosyeyan red kir û xwest derbarê bersûc Hamît Yildirim de jî şertê kontrola edlî berdewam bike û danişînê taloqî 7’ê tîrmehê kir.