ENQERE - Berdevka Meclîsa Jinan a HDP’ê Ayşe Acar Başaran, diyar kir ku desthilatdariyê AKP-MHP’ê polîtîkayên xwe yên dijminantiya Kurd û jinan, dewam dike. Dev jê berdanan Peymana Stenbolê, pejirandina dijminantiya jinê ye.
Meclîsa Jinan a Partiya Demokratîk a Gelan (HDP), têkildarî Peymana Stenbolê ya ku bi biryara Serokkomar hat fesxkirin û pêvajoya wê ya hiqûqî di 1'ê Tîrmehê de bidawî bibe, daxuyaniyek girseyî li dar xist. Daxuyaniya jinan li ber Deriyê Çankaya ya Mêclîsê hat dayîn. Jinan, di daxuyaniyê de wêneyê Denîz Poyroz, dowîzên “Ne jinan, kujeran bi darizînin” û “Em ê dev ji Peymana Stenbolê bernedin” hilgirtin.
Berdevka Meclîsa Jinan a HDP’ê Ayşe Acar Başaran, di daxuyaniyê de axivî û diyar kir ku desthilatdariya AKP û MHP’ê bi polîtîkayên zayendperest, mîlîtarîst, bi dijminantiya Kurd û jinan, mêtinger û şer ” lez daye polîtîkayên xwe yên êriş û komkujiyan li dijî jina. Başaran, da zanîn ku bi polîtîkayên zext û binçavkirinê, hewl didin hemû komên dijber, nemaze jinan bêdeng bikin û bitirsin in. Ev desthilatdariya ku dijminahiya civak, xweza, jin û zarokan dike, hatiye asta ku nema dikare rûyê xwe yê rastîn veşêre.”
'EM ŞER TEŞHÎR DIKIN’
Başaran, anî ziman ku bloka desthilatdariyê veguheriye mekanizmaya sûc û wiha pê de çû: “Li dijî hemû beşên civakê şer dane dest pê kirin. Desthilatdarî hewl dide bi rûpoşan sûcên kirine veşêrin. Li hemberî xwe jî talokeya herî mezin jinan dibînin. Ji ber ku jin bêndeng nabin û koledariyê nakin êrişî jinan dikin. Desthilatdariya ku nikare jinan bêdeng bike, serî li rê û rêbazên dijminantiya li dijî jinan daye. Di bingeha hemû êrişên li dijî jinan û destkeftiyên wan de ev rastî heye. Em şerê desthilatdariyê yê 19 salin li dijî jinan dewam dike, teşhîr dikin.”
ÎSTÎSMARA ZAROKAN
Başaran, axaftina xwe wiha dewam kir: “Pêşî li Îstîsmara zarokan vekirin, rewa kirina sûcên xwe ne. Bi gotina 'ji carekê tiştek nabe’ xwestin ku îstîsmarkarên zarokan fihêl bikin.
XIZANTIYA JINÊ
Dixwazin xizantiyê weke qeder ferzî jinan bikin. Bi pêvajoya pandemiyê re, xizantî zêdetir bû. Herî zêde jin ji vê yekê bi bandor bûn.
Ev desthilatdariya ku dixwaze bi zindanîkirina me ya di nava malan de, divê baş zanibe ku em ê tu carî nehêlin keda me were îstismar kirin. Yên ku netewperestiyê û zayendperestiyê teşwîq dikin berpirsiyarê qetilkirina Deniz Poyraz in.”
EM NE BÊÇARENE
Zencîra dawî ya êrişên li ser maf û destkeftiyên me biryara vekişîna ji Peymana Stenbolê ye, ku mîsogeriya me ya jiyanê ye. E v biryar, di nîveka şevê de bi îmzeya yek zilamî hat qebûl kirin. Wê rejîma Tirkiyeyê nekare maf û destkeftiyên me têk bibwe. Em qet ne bê bawerin, wê nekarin maf û destkeftiyên me xesp bikin. Em ne bêçarene. Bawerî û hêviyên me zindî bi hêzin.