STENBOL - Di dema çalakiyên şermezarkirina Komploya Navneteweyî ya 9’ê Cotmehê ya li dijî Rêberê PKK’ê Abdullah Ocalan de 4 rojnameger hatin binçavkirin.
Bi boneya 24’emîn salvegera Komploya Navneteweyî ya 9’ê Cotmehê ya li dijî Rêberê PKK’ê Abdullah Ocalan, li gelek bajarên bakurê Kurdistanê û Tirkiyeyê çalakî hatin lidarxistin. Polîsan êrişî çalakvanan kirin û gelek kesin hatin binçavkirin. Di dema êrişan de her wiha rojnameger jî hedef hatin girtin. Di encama êrişa polîsan a li Esenyurt a Stenbolê de nûçegihanên Ajansa Nûçeyan a Mezopotamyayê (MA) Esra Solîn Dal û Omer Îbrahîmoglû hatin binçavkirin. Rojnamegerên hatine binçavkirin, birin Qereqola Polîsan a Kiraçê.
Her wiha di êrişa polîsan a li Geverê de jî nûçegihanê MA’yê Mazlum Engîndenîz û nûçegihana JINNEWS’ê Rabîa Onver hatin binçavkirin.