MÊRDÎN - Hat diyarkirin ku cenazeyên 3 kesên tê gotin di encama êrişa hewayî ya Çiyayê Bagokê de jiyana xwe ji dest dane, ev 10 roj in li morga nexweşxaneyê tên sekinandin.
Di 4’ê tebaxê de li dijî herêma çoltar a Çiyayê Bagokê yê navçeya Nisêbîn a Mêrdînê êrişeke hewayî hate kirin û piştre jî operasyona leşkerî hatibû destpêkirin. Tê gotin ku di encama êrişa hewayî de 3 endamên HPG’ê jiyana xwe ji dest dan û her sê cenaze rakirin morga Nexweşxaneya Perwerde û Lêkolînê ya Mêrdînê. Hat ragihandin ku cenazeyên di êrişa hewayî de texrîb bûne 10 roj in li morgê tên rawestandin û ji ber ku encamên DNA’yê derneketine, hêj nehatine teşhîskirin.
Heke nasnameyên cenazeyan neyên tespîtkirin, dê li Goristana Bêkesan bên definkirin.