COLEMÊRG - Ciwanên ji hêla polîsan ve hatine ragirtin û bi kîlometreyan dûrî bajar hatine hiştin, derbarê îşkenceya ku dîtine de axivîn.
Polîsan di şeva 31’ê tîrmehê de taxekî navçeya Gevera Colemêrgê dorpêç kirine, piştî kontrolkirina nasnameyan 8 ciwanan ragirtin. Ji ciwanên hatine ragirtin 2’yê wan piştî demekî kin hatin berdan, 6 ciwanên din di saet derdora 03.30’an de bi kîlometreyan dûrî navçeyê di cihên cuda de hatin berdan. Herwiha polîsan îşkence li ciwanan kirin.
Ciwan hatine ragirtin, derbarê tiştên hatine serê wan de axivîn. Ciwan anîn ziman ku ew ji ber hemberî binçavkirina hevalê wan R.T. were derketine, ew bi xwe jî hatine ragirtin. Ciwan wiha gotin: “Polîsan di wesayîtê de ‘Amîr ji me re cih şandiye. Gotiye ku bînîn ser riya hawîrdorê. Em ber bi wê derê ve biçin’ digotin. Heya em çûn riya hawîrdorê tiştekî li me nekirin. Dema em gihaştin rêyê me ji wesayîtê anîn xwarê. Me birin amîrê ku wek ‘Yûsûf’ tê nasîn. Hevalê me R.T. bi daxwaza amîrê TEM’ê bi tena serê siwarî wesayîta bi zirxî kirin.
R.T.: BI SAETAN LI MIN XISTIN
Ji Ciwanan R.T. dema ji polîsan re pirsa “Ez çima li derê me, hûn çiman li min dixin” pirsî û polîsan wiha lê vegerandin, “Tu duh bi şev li ku derê bûy? Gelo agahiya we ji gulebarana wesayîta zirxî ya ji taxa Cûmhûriyetê şeva 30’ê tîrmehê derbas dibû heye? Gelo we kir?” R.T. anî ziman ku ew ji polîsan re gotiye ku, di şeva bûyerê de ew di mala xwe de bûye û wiha got: “Polîsan di wesayîtê de tim çêrên giran li min kirin. Dema ez hember li heqaretan derketin bi caran pê bêtêlê li serê min xistin. Avê bi serê min de kirin û li min xistin. Piştî bi saetan li min dan, hevalê min Û.Ş. anîn hundirê wesayîtê. Polîsan ji min re gotin ‘Tu hinekî bêhna xwe vede, em ê piştre berdewam bikin’ û di wesayîtê de îşkence li Û.Ş. kirin. Piştre min li ser riya Şemzînanê danîn. Ji ber lêdanê perdeya guhê min zirar dît. Ez hêj jî di bihîstinê de zehmetiyê dikêşim.”
PIRSA ‘KURDISTAN KU DER E’
Ji ciwanê hatiye derbkirin U.Ş. diyar kir ku dema ew îdiayên li ser wî tên tewanbarkirin derewandiye, rastî îşkenceyê hatiye û ev tişt gotin: “Bi saetan polîsan li min xistin. Du caran ava sar li serê min kirin. Dema ji dev û pozê min de xwîn hat, min ji wesayîtê derxistin. Dema min av li rûye xwe kir û xwînê paqij kir, dîsa li min xistin. Pirsa ‘Kurdistan ku der e’ ji min pirsîn. Min ji wan re got ‘Hûn baştir dizanin’. Bi ser vê yekê dubare dubare li min xistin.”
U.Ş. diyar kir ku polîsên di wesayîtê de ji amirên xwe re wiha gotin “Bi min en guleyan berdin serê wan, û em tev jî ji wan xelas bibin. Jixwe dê tu kes fêm neke ku me wan kuştiye’ û axaftina xwe wiha domand: “Li cihekî tenha û tarî min ji wesayîtê daxistin û ji min hat xwestin ku birevim. Ez jî fikirîm ku dê bêm kuştin. Min guman kir ku dê bigotana ‘hemberî hişyariya bisekine derket’ û ez nereviyam. 5 kîlometreyan ser riya hawîrdorê ez hatin berdan. Bi ser îşligê min şûna xwînê hebû û bi darê zorê ji min kirin. Min wek tazî danîn wê derê. Dema ez hatim li malê, çûn nexweşxaneyê û min rapora derbkirinê stend.”